തിരുവനന്തപുരം: വര്‍ക്കലയില്‍ വിദേശ വനിതകള്‍ക്ക് നേരെ അതിക്രമത്തിന് ശ്രമം. യുകെ, ഫ്രാന്‍സ് സ്വദേശികള്‍ക്കാണ് ദുരനുഭവം നേരിടേണ്ടിവന്നത്. വനിതകള്‍ വര്‍ക്കല പൊലിസ് സ്റ്റേഷനില്‍ നേരിട്ടെത്തി പരാതി നല്‍കി.

തിങ്കളാഴ്ച രാത്രി എട്ട് മണിക്ക് വര്‍ക്കല പാപനാശം ബിച്ചിലാണ് സംഭവം. ബീച്ചില്‍ രാത്രി നടക്കാനിറങ്ങിയതായിരുന്നു വിദേശ ടൂറിസ്റ്റുകള്‍. മദ്യപിച്ചെത്തിയ ഒരു സംഘം ഇവരെ കടന്നുപിടിക്കാന്‍ ശ്രമിക്കുകയും നഗ്‌നതാ പ്രദര്‍ശനം നടത്തുകയുമായിരുന്നു.

സംഭവത്തില്‍ പ്രതികള്‍ക്കായി അന്വേഷണം ആരംഭിച്ചതായി പൊലിസ് അറിയിച്ചു.