വടകര: നാദാപുരം, കുറ്റ്യാടി, പേരാമ്പ്ര, കൊയിലാണ്ടി, വടകര മണ്ഡലം എസ്.വൈ.എസ് ഭാരവാഹികളുടെയും എസ്.കെ.എസ്.എസ്.എഫ് റെയ്ഞ്ച് ജംഇയ്യത്തുല്‍ മുഅല്ലിമീന്‍ ഭാരവാഹികളുടെയും നേതൃസംഗമം നടന്നു. അടക്കാത്തെരു നൂറുല്‍ ഇസ്‌ലാം മദ്‌റസയില്‍ നടന്ന പരിപാടിയില്‍ 30ന് വടകര ടൗണ്‍ഹാളില്‍ 'ഐ.എസ്, സലഫിസം, ഫാസിസം' പ്രമേയത്തില്‍ നടക്കുന്ന തീവ്രവാദ വിരുദ്ധ മതേതരസംഗമം വിജയിപ്പിക്കാന്‍ തീരുമാനിച്ചു.
വെള്ളിയാഴ്ച പള്ളികളില്‍ ഉല്‍ബോധനം നടത്താനും പ്രവര്‍ത്തകരെ പങ്കെടുപ്പിക്കാന്‍ സ്‌ക്വാഡ് പ്രവര്‍ത്തനം നടത്താനും യോഗം ആഹ്വാനം ചെയ്തു. കെ.എം കുഞ്ഞമ്മദ് മുസ്‌ലിയാര്‍ അധ്യക്ഷനായി. സി.എച്ച് മഹ്മൂദ് സഅദി, സിദ്ദീഖ് വെള്ളിയോട്, വരയാലില്‍ മൊയ്തു ഹാജി, യൂസഫ് ഹാജി കുന്നുമ്മക്കര, കുട്ടോത്ത് മൂസ ഹാജി, കണ്ണോത്ത് സൂപ്പി ഹാജി തിരുവള്ളൂര്‍, അബ്ദുല്‍ ലത്തീഫ് വാഫി പേരാമ്പ്ര, ഷക്കീര്‍ അന്‍വരി കോട്ടക്കല്‍, ആവള മുഹമ്മദ് മൗലവി, റസാഖ് ഹാജി വടകര, ടി. ഗഫൂര്‍ അടക്കാത്തെരു, മരുന്നൂര്‍ ഹമീദ് ഹാജി, പി.കെ.സി അബ്ദുറഹ്മാന്‍ ഹാജി, സി.പി ഷംസുദ്ദീന്‍ ഫൈസി, സുബുലുസ്സലാം മൂരാട്, കെ.കെ മൂസ ഹാജി, അബ്ദുല്ല ദാരിമി പുത്തൂര്‍, യൂസുഫ് അസ്ഹരി, ശാക്കിര്‍ മൗലവി ചര്‍ച്ചയില്‍ പങ്കെടുത്തു. കണ്‍വീനര്‍ മുഹമ്മദ് പടിഞ്ഞാറെത്തറ സ്വാഗതം പറഞ്ഞു.