ന്യുഡല്‍ഹി: ശിവസേനയുടെ തെരഞ്ഞെടുപ്പ് ചിഹ്നം മരവിപ്പിച്ച് തെരഞ്ഞെടുപ്പ് കമ്മിഷന്റെ നടപടി. ഉദ്ധവ് താക്കറെ ഏക്‌നാഥ് ഷിന്‍ഡെ വിഭാഗങ്ങളുടെ തര്‍ക്കത്തെ തുടര്‍ന്നാണ് നടപടി.

മുംബൈയിലെ അന്ധേരി ഈസ്റ്റ് തെരഞ്ഞെടുപ്പില്‍ ചിഹ്നം ഉപയോഗിക്കുന്നതില്‍ ഇരുവിഭാഗങ്ങള്‍ക്കും ഇതോടെ സാധിക്കില്ല. അമ്പും വില്ലുമാണ് ശിവസേനയുടെ ചിഹ്നം.  തെരഞ്ഞെടുപ്പ് കമ്മിഷന്റെ ഇടക്കാല ഉത്തരവ് മൂലം തെരഞ്ഞെടുപ്പില്‍ ഇനി പുതിയ പേര് കണ്ടുപിടിക്കണം.

പുതിയ തെരഞ്ഞെടുപ്പ് ചിഹ്നം നല്‍കുകയും ചെയ്യും. തീരുമാനം ഉദ്ധവ് താക്കറെ കനത്ത തിരിച്ചടിയാണ്. അതേസമയം അന്ധേരി ഈസ്റ്റ് ഉപതെരഞ്ഞെടുപ്പില്‍ ഏകനാഥ് ഷിന്‍ഡെ ഗ്രൂപ്പ് മത്സരിക്കില്ല.