കൊച്ചി: കൈരളി, മീഡിയാവൺ ചാനലുകളെ കേരളാ ഗവർണർ ആരിഫ് മുഹമ്മദ് ഖാൻ ബഹിഷ്‌കരിച്ചതോടെ രണ്ടുചാനലുകൾക്കും പിന്തുണ പ്രഖ്യാപിച്ച് ഗവർണറുടെ വാർത്താസമ്മേളനം ബഹിഷ്‌കരിച്ച് റിപ്പോർട്ടർ ചാനൽ.

ഇന്ന് രാവിലെയാണ് ഗവർണർ വാർത്താസമ്മേളനം വിളിച്ചത്. ഇതിൽ മീഡിയ വൺ, കൈരളി തുടങ്ങിയ മാധ്യമങ്ങളോട് സംസാരിക്കില്ലെന്ന് അറിയിക്കുകയായിരുന്നു. ഈ മാധ്യങ്ങളിലെ റിപ്പോർട്ടർമാരോട് പുറത്ത് പോകാനും ഗവർണർ ആവശ്യപ്പെട്ടു. കേഡർ മാധ്യമങ്ങളാട് സംസാരിക്കാൻ താൽപര്യമില്ലെന്നും ഗവർണർ പറഞ്ഞു. നേരത്തെ ജയ്ഹിന്ദ് ചാനലിനും ഗവർണർ വിലക്കേർപ്പെടുത്തിയിരുന്നു. കൈരളിയെയും മീഡിയ വൺ ചാനലിനെയും വാർത്താസമ്മേളനത്തിന് ക്ഷണിച്ചിട്ടില്ലെന്നും അദ്ദേഹം പറഞ്ഞു. എന്നാൽ ഗവർണറുടെ ഓഫിസിൽനിന്ന് ലഭിച്ച ക്ഷണം മീഡിയവൺ വാർത്ത പുറത്തുവിട്ടു.

ഇതോടെ ഗവർണർ വിലക്കേർപ്പെടുത്തിയ മാധ്യമങ്ങൾക്ക് ഐക്യദാർഢ്യം പ്രഖ്യാപിച്ച് റിപ്പോർട്ടർ ടിവി ഗവർണറുടെ വാർത്താ സമ്മേളനം ബഹിഷ്‌കരിക്കുകയാണെന്ന് അറിയിക്കുകയായിരുന്നു.