പാലക്കാട്:വളര്‍ത്തു നായയുടെ കണ്ണ് ചൂഴ്‌ന്നെടുത്ത് അജ്ഞാതരുടെ കൊടും ക്രൂരത.പാലക്കാട് പട്ടാമ്പിക്കടുത്ത് മുതുതലയില്‍ ചിത്രകാരി ദുര്‍ഗ്ഗാ മാലതിയുടെ വളര്‍ത്തുനായയുടെ കണ്ണാണ് ചൂഴ്‌ന്നെടുക്കപ്പെട്ടത്. ഒരാഴ്ച്ചയായി കണാതായ നായയെ ഇന്നലെയാണ് വിടിന് സമീപത്തായി കണ്ടെത്തിയത്. രണ്ട് കണ്ണിലും ചോരയും വ്രണവുമായ നിലയില്‍ വീട്ടിലേക്ക് നിരങ്ങി നീങ്ങുന്ന അവസ്ഥയിലായുന്നു നായ. രണ്ട് കണ്ണിന്റെയും കാഴ്ച പൂര്‍ണ്ണമായും നഷ്ടപ്പെട്ടിരുന്നു.

ഇതുവരെ ആരെയും നായ ഉപദ്രവിച്ചിട്ടില്ലെന്നും ഒരാഴ്ചയായി നായയെ തിരയുകയായിരുന്നുവെന്നും ആരാണ് ഇത് ചെയ്തതെന്ന്
അറിയില്ലെന്നുമാണ് നായയുടെ ഉടമ ദുര്‍ഗ്ഗാ മാലതിയുടെ പ്രതികരണം. ഡോക്ടറുടെ നിര്‍ദേശ പ്രകാരം പ്രഥമിക ശുശ്രൂഷ നല്‍കി. കണ്ണുകള്‍ ചൂഴ്‌ന്നെടുത്തതാവാനോ ആസിഡിന് സമാനമായ ദ്രാവകം ഒഴിച്ചതാവാനോ ആണ് സാധ്യതയെന്ന് ഡോക്ടര്‍മാര്‍ വ്യക്തമാക്കി. സംഭവത്തില്‍ ദുര്‍ഗ്ഗാ മാലതി പട്ടാമ്പി പൊലീസില്‍ പരാതി നല്‍കി.