മുംബൈ: ഒമിക്രോണ്‍ വ്യാപനം ഭീഷണിയായി നിലനില്‍ക്കുകയാണെങ്കിലും ദക്ഷിണാഫ്രിക്കന്‍ പര്യടനത്തില്‍ മാറ്റമില്ലെന്ന് ബിസിസിഐ പ്രസിഡന്റ് സൗരവ് ഗാംഗുലി. നിലവിലെ സാഹചര്യത്തില്‍ പര്യടനത്തില്‍ മാറ്റമില്ലെന്നും അന്തിമതീരുമാനം എടുക്കുമെന്നും ഗാംഗുലി പറഞ്ഞു.

ഡിസംബര്‍ 17 നാണ് ഇന്ത്യയുടെ ദക്ഷിണാഫ്രിക്കന്‍ പര്യടനം ആരംഭിക്കുക. മൂന്ന് വീതം ടെസ്റ്റ്, ഏകദിന മത്സരങ്ങള്‍ കളിക്കുന്ന ഇന്ത്യ 4 ടി-20 മത്സരങ്ങളും ദക്ഷിണാഫ്രിക്കന്‍ പര്യടനത്തില്‍ കളിക്കും. ന്യൂസീലന്‍ഡിനെതിരായ രണ്ടാം ടെസ്റ്റിനു ശേഷം ഡിസംബര്‍ 8,9 തിയതികളിലായി ഇന്ത്യന്‍ ടീം ദക്ഷിണാഫ്രിക്കയ്ക്ക് തിരിക്കും.

അടുത്ത മാസം നടക്കാനിരിക്കുന്ന ദക്ഷിണാഫ്രിക്കന്‍ പര്യടനത്തില്‍ അവസാന വാക്ക് കേന്ദ്രസര്‍ക്കാരിന്റേതെന്ന് ബിസിസിഐ നേരത്തെ നിലപാടെടുത്തിരുന്നു.