ബെംഗളൂരു: ബെംഗളൂരുവിലെ കെംപെഗൗഡ രാജ്യാന്തര വിമാനത്താവളത്തില്‍ അനക്കോണ്ടകളെ കടത്താന്‍ ശ്രമം. ബാങ്കോക്കില്‍ നിന്നെത്തിയ ഈ യാത്രക്കാരനെ അറസ്റ്റ് ചെയ്തു. 10 മഞ്ഞ അനക്കോണ്ടകളെയാണ് ഇയാളുടെ ലഗേജില്‍ നിന്ന് കണ്ടെത്തിയത്. പരിശോധനയ്ക്കിടെയാണ് സംഭവം. അതേസമയം, ഇയാളുടെ പേരു വിവരങ്ങള്‍ കസ്റ്റംസ് ഉദ്യോഗസ്ഥര്‍ പുറത്തുവിട്ടിട്ടില്ല.  സംശയത്തിന്റെ അടിസ്ഥാനത്തില്‍ തടഞ്ഞുനിര്‍ത്തി അറസ്റ്റ് ചെയ്യുകയായിരുന്നുവെന്ന് ബെംഗളൂരു കസ്റ്റംസ് ഡിപ്പാര്‍ട്ട്മെന്റ് അറിയിച്ചു. അതേസമയം,

യാത്രക്കാരനെ അറസ്റ്റ് ചെയ്ത സംഭവത്തില്‍ അന്വേഷണം നടന്നു വരികയാണെന്നും വന്യജീവി കടത്ത് അനുവദിക്കില്ലെന്നും കസ്റ്റംസ് വകുപ്പ് പ്രതികരിച്ചിട്ടുണ്ട്. കഴിഞ്ഞ വര്‍ഷം, കംഗാരു കുഞ്ഞുമായി ബാങ്കോക്കില്‍ നിന്നെത്തിയ ഒരു യാത്രക്കാരനെയും അറസ്റ്റ് ചെയ്തിരുന്നു. കംഗാരുവിന്റെ കുഞ്ഞ് ഉള്‍പ്പെടെ 234 വന്യമൃഗങ്ങളെ ബെംഗളൂരു വിമാനത്താവളത്തിലെ കസ്റ്റംസ് ഉദ്യോഗസ്ഥര്‍ രക്ഷപ്പെടുത്തിയിരുന്നു അന്ന്.

പ്ലാസ്റ്റിക് പെട്ടിയിലായിരുന്ന കംഗാരു ശ്വാസം മുട്ടി ചത്തിരുന്നു. കസ്റ്റംസ് വകുപ്പിന് രഹസ്യവിവരം ലഭിച്ചതിനെ തുടര്‍ന്നായിരുന്നു ഇയാളുടെ ലഗേജുകള്‍ പരിശോധിച്ചത്. ട്രോളി ബാഗില്‍ ഒളിപ്പിച്ച നിലയില്‍ പെരുമ്പാമ്പ്, ഓന്ത്, ഉറുമ്പുകള്‍, ആമകള്‍, ചീങ്കണ്ണികള്‍ എന്നിവയെയാണ് കണ്ടെത്തിയത്.