കൊടുവള്ളി: നെടുമല ശ്മശാന പരിസരത്ത് മദ്യപസംഘത്തിന്റെ ആക്രമണത്തില്‍ എസ്.ഐക്ക് പരുക്ക്. കൊടുവള്ളി പൊലിസ് സ്റ്റേഷന്‍ പ്രിന്‍സിപ്പല്‍ എസ്.ഐ ജിയോ സദാനന്ദനാണ് പരുക്കേറ്റത്. ഞായറാഴ്ച വൈകീട്ട് അഞ്ചോടെയാണ് സംഭവം. നെടുമല ശ്മശാന പരിസരത്ത് അഞ്ചംഗ സംഘം മദ്യപിക്കുകയായിരുന്നു. 

ഈ സമയം എസ്.ഐയുടെ നേതൃത്വത്തിലുള്ള പൊലിസ് പട്രോളിങ് സംഘം സ്ഥലത്തെത്തി. പൊലീസിനെ കണ്ടപ്പോള്‍ പൊട്ടിയ ഗ്ലാസ് ചീളുകള്‍ ഉപയോഗിച്ച് സംഘം ആക്രമിക്കുകയായിരുന്നു. എസ്ഐയുടെ വലതുകൈയിലെ രണ്ട് വിരലിന് മുറിവേറ്റു.

അക്രമത്തിന് ശേഷം മദ്യപസംഘം കാറില്‍ രക്ഷപ്പെടുകയായിരുന്നു. എസ്ഐ താമരശ്ശേരി താലൂക്ക് ആശുപത്രിയില്‍ ചികിത്സതേടി. സംഭവത്തില്‍ കുന്ദമംഗലം പൊലീസ് കേസെടുത്തിട്ടുണ്ട്.