കിടപ്പുമുറിക്ക് തീപിടിച്ച് നാലുപേര്‍ മരിക്കാനിടയായ സംഭവത്തില്‍ വിശദീകരണവുമായി പൊലിസ്.അന്വേഷണം പുരോഗമിക്കുകയാണെന്നുംസംഭവത്തില്‍ദുരൂഹതയില്ലെന്നുമാണ് പൊലീസ് പറയുന്നത്.അബോധാവസ്ഥയില്‍ ശ്വാസകോശത്തില്‍ പുകയെത്തിയതാണ് മരണകാരണമായി പോസ്റ്റ്‌മോര്‍ട്ടം നടത്തിയ ഡോക്ടര്‍ സൂചന നല്‍കുന്നത്. എന്നാല്‍, കിടപ്പുമുറിക്കകം കത്തിനശിക്കാന്‍ ഇടയായ സംഭവത്തില്‍ വ്യക്തത വന്നിട്ടില്ല. നാലുപേരില്‍ ആര്‍ക്കുംതന്നെ വാതില്‍ തുറന്ന് രക്ഷപ്പെടാന്‍ സാധിക്കാത്ത വിധമാണ് അപകടമുണ്ടായത്.

ബിനീഷിന്റെ വീടിനകത്തും പുറത്തും നാലിലേറെ സി.സി ടി.വി കാമറയുണ്ട്. ഇവയുടെ മോഡം തീപിടിത്തത്തില്‍ കത്തിനശിച്ചു. അതിനാല്‍, ഹാര്‍ഡ് ഡിസ്‌ക് പരിശോധിച്ചാല്‍ മാത്രമേ എന്തെങ്കിലും തുമ്പ് ലഭിക്കൂ. പഴയ വൈദ്യുതീകരണമായതിനാല്‍ ഷോര്‍ട്ട് സര്‍ക്യൂട്ടാകാം തീപിടിത്തത്തിനിടയാക്കിയതെന്ന സംശയമുണ്ട്. വിവിധ ഏജന്‍സികളും സംഭവത്തില്‍ ശാസ്ത്രീയ അന്വേഷണം നടത്തുന്നുണ്ട്.