കൊച്ചി: ആലുവയിൽ മൂന്ന് പെൺകുട്ടികളെ കാണാതായി. ആലുവ തോട്ടയ്ക്കാട്ടുകരയിലെ നിർധനരായ പെൺകുട്ടികളെ സംരക്ഷിക്കുന്ന സ്ഥാപനത്തിൽ നിന്നാണ് കുട്ടികളെ കാണാതായത്. കാണാതായത് കുട്ടികൾക്ക് 15, 16, 18 എന്നിങ്ങനെയാണ് പ്രായം. ഇന്ന് പുലർച്ചയോടെയാണ് പെൺകുട്ടികളെ കാണാതായത്. സംഭവത്തിൽ അധികൃതർ പൊലിസിൽ പരാതി നൽകി.

സ്ഥാപനത്തിലെ അ​ധികൃതർ പരാതി നൽകിയതോടെയാണ് പെൺകുട്ടികളെ കാണാതായവിവരം പുറത്തറിഞ്ഞത്. പെൺകുട്ടികളെ കണ്ടെത്താനായി ആലുവ ഈസ്റ്റ്‌ പൊലിസ് അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ ഉൾപ്പെടെ പൊലിസ് പരിശോധിച്ച് വരികയാണ്.