മുൻ രാഷ്ട്രപതി ഡോ എ പി ജെ അബ്ദുൽ കലാമിന്റെ പേരിലുള്ള പുരസ്‌കാരം ബഷീർ ഫൈസി ദേശംഗലം അർഹനായി. തിരുവനന്തപുരം ആസ്ഥാനമായി പ്രവർത്തിക്കുന്ന 'കവിത' കലാ സാംസ്കാരിക വേദിയാണ് അവർഡ് പ്രഖ്യാപിച്ചത്.

സാമൂഹ്യ മാധ്യമങ്ങളിലെ ക്രിയാത്മക ഇടപെടൽ,ആനുകാലിക വിഷയങ്ങളിലെ പ്രതികരണങ്ങൾ,
സാമൂഹ്യ നന്മക്കും ദേശീയോദ്ഗ്രഥനത്തിനും ഉതകുന്ന എഴുത്തുകൾ എന്നിവ മുൻ നിർത്തിയാണ് അവർഡിന് തിരഞ്ഞെടുത്തത്.

ഭാഷ ഇൻസ്റ്റിട്യൂട് മുൻ ഡയറക്റ്റർ ഡോ എം ആർ തമ്പാൻ സാഹിത്യ ചിന്തകനും ചിത്രകാരനുമായ 
ഡോ.എസ് ജിതേഷ് എന്നിവരും പുരസ്‌ക്കാരങ്ങൾക്ക് അർഹരായിട്ടുണ്ട്.

ജൂലൈ 23 നു തിരുവനന്തപുരം വൈ. എം. സി. എ. ബ്രിട്ടീഷ് ലൈബ്രറിഹാളിൽ നടക്കുന്ന സാംസ്‌കാരിക പരിപാടിയിൽ പുരസ്‌ക്കാരങ്ങൾ വിതരണം ചെയ്യും 

മന്ത്രി ശ്രീ.കടന്നപ്പള്ളി രാമചന്ദ്രൻ ശ്രീ.ഡി കെ മുരളി എം എൽ എ ,ശ്രീ.എം എം ഹസ്സൻ (മുൻ മന്ത്രി)
ശ്രീ.പന്ന്യൻ രവീന്ദ്രൻ(എക്സ് എം. പി ),ശ്രീ.ശബരീനാദ് (എക്സ് എം എൽ എ ),ശ്രീ.പന്തളം സുധാകരൻ (മുൻ മന്ത്രി)തുടങ്ങിയവർ പരിപാടിയിൽ സംബന്ധിക്കും.

തൃശൂർ ജില്ലയിലെ ദേശമംഗലം സ്വദേശിയായ ശ്രീ ബഷീർ ഫൈസിക്കു ചരിത്രത്തിൽ ബിരുദം, മത താരതമ്യ, സാംസ്കാരിക അധിനിവേശപഠനങ്ങളിൽ നിപുണത എന്നിവയുണ്ട്. 
 
വിവിധ ആനുകാലികങ്ങളിലായി അഞ്ഞൂറിലേറെ ലേഖനങ്ങൾ. സോഷ്യൽ മീഡിയ ആക്ടിവിസ്റ്റ്, പ്രഭാഷകൻ, ചാനൽ ഡിബേറ്റർ. എന്നീ നിലയിലും ശ്രദ്ദേയനാണു ശ്രീ ഫൈസി.

കേരളത്തിലെ മത പണ്ഡിത സഭയായ 'സമസ്ത'യുടെ വിദ്യാർത്ഥി പ്രസ്ഥാനമായ SKSSF തൃശൂർ ജില്ലാപ്രസിഡന്റ്, സ്റ്റേറ്റ് ട്രഷറർ, സ്റ്റേറ്റ് സീനിയർ വൈസ് പ്രസിഡന്റ്, 'മനീഷ'സാംസ്കാരിക സമിതി സംസ്ഥാന ചെയർമാൻ എന്നീ സ്ഥാനങ്ങൾ വഹിച്ചു.

നിലവിൽ സമസ്തത തൃശൂർ ജില്ല വർ. സെക്രട്ടറി,കോട്ടായി അൽ അമീൻ ഫാളില കോളേജ് പ്രിൻസിപ്പൽ, തിരുവത്ര ഗിൾഡ് സ്പെഷൽ സ്കൂ‌ൾ ചെയർമാൻ എന്നീചുമതലകൾ വഹിക്കുന്നു.

അംബേദ്കർ നാഷ്ണൽ അവാർഡ് 2012, മജ്‌ലിസുൽ ഫുർഖാൻ 'ദഅവാ' അവാർഡ് 2020, മസ്ക്കറ്റ് RJM കോട്ടുമല ഉസ്താദ് 'യുവ പ്രതിഭ' അവാർഡ് 2021, കൊല്ലം ഹംദാൻ ഫൗണ്ടേഷൻ 'ഇമാം ബൂസ്വൂരി മദ്ഹുറസൂൽ അവാർഡ് '2021, അബുദാബി NOWA അവാർഡ് തുടങ്ങിയ പുരസ്കാ രങ്ങൾക്കർഹനായിട്ടുണ്ട്.