പട്‌ന: ബിഹാറിലെ വൈശാലിയില്‍ വൈദ്യുതാഘാതമേറ്റ് 9 കന്‍വാര്‍ തീര്‍ത്ഥാടകര്‍ മരിച്ചു. ആറ് തീര്‍ത്ഥാടകര്‍ക്ക് പരുക്കേല്‍ക്കുകയും ചെയ്തു. രണ്ട് പേരുടെ നില ഗുരുതരമാണ്. ഇവര്‍ സഞ്ചരിച്ച വാഹനം ഹൈ ടെന്‍ഷന്‍ കേബിളില്‍ തട്ടിയാണ് അപകടമുണ്ടായത്. 

വൈശാലി ജില്ലയിലെ ഹാജിപൂര്‍ മേഖലയിലാണ് സംഭവം. പരുക്കേറ്റവര്‍ ഹാജിപൂരിലെ സദര്‍ ആശുപത്രിയില്‍ ചികിത്സയിലാണ്.

രവികുമാര്‍, രാജ കുമാര്‍, നവീന്‍ കുമാര്‍, അമ്രേഷ് കുമാര്‍, അശോക് കുമാര്‍, ചന്ദന്‍ കുമാര്‍, കാലുകുമാര്‍, ആശിഷ് കുമാര്‍ എന്നിവരാണ് മരിച്ചത്.

ജെതുയി നിസാമത്ത് ഗ്രാമത്തില്‍ നിന്നുള്ള കന്‍വാര്‍ യാത്രാ തീര്‍ഥാടകര്‍ സോന്‍പൂര്‍ പഹ്ലേജ ഘട്ടില്‍ നിന്ന് മടങ്ങുകയായിരുന്നു. നിരവധി അലങ്കാര വസ്തുക്കളും ഉച്ചഭാഷിണികളും ലൈറ്റുകളും ഘടിപ്പിച്ചിരുന്ന വാഹനത്തിന്റെ മുകള്‍ ഭാഗം, ഉയര്‍ന്ന തോതില്‍ വൈദ്യുതി കടന്നുപോകുന്ന ഹൈ-ടെന്‍ഷന്‍ വൈദ്യുതി ലൈനില്‍ തട്ടുകയായിരുന്നു.