ഷിരൂര്‍: ഷിരൂരിന് സമീപം മൃതദേഹം കണ്ടെത്തിയതായി സൂചന. ജീര്‍ണിച്ച ശരീരം ആരുടേതെന്ന് വ്യക്തമല്ല. എന്നാല്‍ പുരുഷന്റേതാണെന്ന് സൂചനയുണ്ട്. അകനാശിനി ബാഡ മേഖലയില്‍ കടലില്‍ ഒഴുകുന്ന നിലയിലാണ് മൃതദേഹം കണ്ടെത്തിയത്. പ്രദേശത്ത് നിന്ന് ഒരു മത്സ്യത്തൊഴിലാളിയേയും കാണാതായിരുന്നു. മൃതദേഹം കണ്ടെത്തിയതായി പ്രദേശിക മുങ്ങല്‍ വ്ദഗ്ധനായ ഈശ്വര്‍ മല്‍പേയും പ്രതികരിച്ചു. 

മൃതദേഹം ഡി.എന്‍.എ ടെസ്റ്റിന് വിധേയമാക്കണമെന്ന് അര്‍ജ്ജുന്റെ കുടുംബം ആവശ്യപ്പെട്ടു. അര്‍ജ്ജുന്റെസഹോദരന്റെ ഡി.എന്‍.എ സാമ്പിള്‍ നേരത്തെ ശേഖരിച്ചിരുന്നു. മൃതദേഹത്തിന് അധികം പഴക്കമില്ലെന്നാണ് ലഭിച്ച വിവരമെന്ന് അര്‍ജ്ജുന്‍ ഓടിച്ച ലോറിയുടെ ഉടമ മനാഫ്  പറഞ്ഞു.