പുത്തുമല: ഉരുള്‍പൊട്ടലില്‍ സര്‍ക്കാര്‍ തന്ന വാഗ്ദാനങ്ങളെല്ലാം പ്രഖ്യാപനത്തിലൊതുങ്ങിയ അനുഭവമാണ് പുത്തുമലക്കാര്‍ക്ക് പറയാനുള്ളത്. ദുരന്തത്തിന് മൂന്നുവര്‍ഷത്തിനു ശേഷം ലഭിച്ച വീടുകള്‍ ഒരു വര്‍ഷം കഴിയുമ്പോള്‍ തന്നെ ചോര്‍ന്നു തുടങ്ങിയിരുന്നു. മാതൃകാ ഗ്രാമമായി വിഭാവനം ചെയ്തിട്ട്് ആരോഗ്യകേന്ദ്രമോ കളിസ്ഥലമോ ഒന്നും യാഥാര്‍ഥ്യമായതുമില്ല.

താത്കാലിക താമസത്തിന് വാടകയെന്ന വാഗ്ദാനവും നടപ്പായില്ല. മൂന്നുമാസമല്ല മൂന്നു വര്‍ഷത്തിനു ശേഷമാണ് പുത്തുമല ദുരിത ബാധിതര്‍ക്ക് സ്വന്തം വീട് യാഥാര്‍ഥ്യമായത്. മാത്രമല്ല, ഒരു വര്‍ഷം കഴിഞ്ഞതോടെ വീടുകള്‍ പലതും ചോര്‍ന്നൊലിക്കാനും തുടങ്ങി. വീടുവയ്ക്കാന്‍ നാലു ലക്ഷം രൂപ മാത്രമാണ് സര്‍ക്കാര്‍ നല്‍കിയതും.

വീടു പൂര്‍ത്തിയാകുന്നതു വരെ താമസിക്കുന്ന വീടിന് വാടകനല്‍കുമെന്ന് പറഞ്ഞെങ്കിലും ആറുമാസം മാത്രമാണ് വാടക ലഭിച്ചത്. തൊഴില്‍ നഷ്ടമായവരും സ്ഥലവും കൃഷിയുമെല്ലാം നഷ്ടപ്പെട്ടവരും ... ഒന്നും പഴയതുപോലെ ആയതേയില്ല. ഹര്‍ഷം മാതൃകാ ഗ്രാമത്തില്‍ പ്രഖ്യാപിച്ച ആരോഗ്യ കേന്ദ്രമോ അങ്കണവാടിയോ പൊതുഇടമോ കളിസ്ഥലമോ ഒന്നും ഇവിടെ യാഥാര്‍ഥ്യമായില്ല.