റിയാദ്: സഊദി അറേബ്യയുടെ തെക്കുപടിഞ്ഞാറന്‍ മേഖലയിലെ അല്‍ബാഹയിലുണ്ടായ വാഹനാപകടത്തില്‍ കോഴിക്കോട് സ്വദേശിയായ യുവാവ് ഉള്‍പ്പെടെ നാലു മരണം. കോഴിക്കോട് ചക്കിട്ടപാറ പുരയിടത്തില്‍ തോമസിന്റെ മകന്‍ ജോയല്‍ തോമസ് (28) ആണ് മരിച്ചത്.   

മരിച്ചവരില്‍ ഒരാള്‍ ഉത്തര്‍പ്രദേശ് സ്വദേശിയാണ്. സുഡാന്‍, ബംഗ്ലാദേഷ് പൗരന്‍മാരാണ് മറ്റ് രണ്ടുപേര്‍. വാഹനം മറിഞ്ഞ് തീപിടിച്ചാണ് അപകടം. അല്‍ബാഹ- തായിഫ് റോഡിലാണ് അപകടമുണ്ടായത്. 

ഇവന്റ് മാനേജ്‌മെന്റ് സ്ഥാപനത്തിലെ ജോലിക്കാരാണ് മരിച്ചവര്‍. പ്രോഗ്രാം കഴിഞ്ഞ് മടങ്ങുന്നതിനിടെ ഇവര്‍ സഞ്ചരിച്ച ട്രക്ക് നിയന്ത്രണം വിട്ട് കൊക്കയിലേക്ക് മറിയുകയായിരുന്നു. പിന്നാലെ തീപിടിക്കുകയും ചെയ്തു. മൃതശരീരങ്ങള്‍ അല്‍ബഹാര്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

Car accident in Saudi Four died including a native of Kozhikode