ജയ്പുര്‍: രാജസ്ഥാനില്‍ കനത്ത മഴ . ശനിയാഴ്ച മുതല്‍ തുടങ്ങിയ ശക്തമായ മഴയില്‍ വിവിധയിടങ്ങളിലായി ഇതുവരെ 15 മരണമാണ് റിപ്പോര്‍ട്ട് ചെയ്തത്. 

കിഴക്കന്‍ രാജസ്ഥാനിലെ കരൗലി ജില്ലയിലെ കരൗലിയിലും ഹിന്ദുവാനിലും വെള്ളപ്പൊക്കമുണ്ടായി. ഭരത്പൂരിലെ നദിയില്‍ കുളിക്കാനിറങ്ങിയ ശ്രീനഗര്‍ ഗ്രാമത്തിലെ ഏഴ് യുവാക്കള്‍ മുങ്ങിമരിച്ചു. തലസ്ഥാനമായ ജയ്പൂരിലെ കനോട്ട അണക്കെട്ട് തുറന്നതിനെത്തുടര്‍ന്നുണ്ടായ വെള്ളപ്പൊക്കത്തില്‍ അഞ്ച് പേര്‍ മുങ്ങി മരിച്ചു.

കാണാതായവരെ കണ്ടെത്താനുള്ള തിരച്ചില്‍ തുടരുകയാണ്. ജയ്പൂര്‍, ജയ്പൂര്‍ റൂറല്‍, ദൗസ, കരൗലി, സവായ് മധോപൂര്‍, ഗംഗാപൂര്‍, ഭരത്പൂര്‍ എന്നിവിടങ്ങളിലെ സ്‌കൂളുകള്‍ക്ക് തിങ്കളാഴ്ച ജില്ലാ ഭരണകൂടം അവധി പ്രഖ്യാപിച്ചിട്ടുണ്ട്.

Heavy rains since Saturday have led to floods and fatalities across Rajasthan, with 15 deaths reported. Authorities have declared school closures in several districts, including Jaipur, Bharatpur, and Karauli.