തിരുവനന്തപുരം: ഓട്ടോറിക്ഷകളുടെ പെര്‍മിറ്റില്‍ ഇളവ് വരുത്തി ഗതാഗത വകുപ്പ്. ഓട്ടോകള്‍ക്ക് സംസ്ഥാനത്ത് ഇനി എവിടെ വേണമെങ്കിലും സർവിസ് നടത്താം. അപകടനിരക്ക് കൂടുമെന്ന മുന്നറിയിപ്പ് മറികടന്നാണ് ട്രാന്‍സ്‌പോര്‍ട്ട് അതോറിറ്റിയുടെ തീരുമാനം.നിലവില്‍ ഓട്ടോകള്‍ക്ക് ജില്ലാ അതിര്‍ത്തിയില്‍ നിന്നും 20കിലോമീറ്റര്‍ മാത്രം യാത്ര ചെയ്യാനായിരുന്നു പെര്‍മിറ്റ് നല്‍കിയിരുന്നത്.

നിരവധി അപകടങ്ങള്‍ക്ക് വഴിതെളിക്കുന്നതാണ് തീരുമാനം. ദീര്‍ഘദൂര യാത്രക്ക് ഡിസൈന്‍ ചെയ്ത വാഹനമല്ല ഓട്ടോറിക്ഷ എന്നതാണ് പ്രധാനമായും ഉയര്‍ന്നുവന്നത്. സീറ്റ് ബെല്‍റ്റ് ഉള്‍പ്പെടെയുള്ള സുരക്ഷാ സംവിധാനങ്ങള്‍ ഓട്ടോയില്‍ ഇല്ല. ഓട്ടോകള്‍ക്ക് അനുവദിച്ച പരമാവധി വേഗത 50 കിലോമീറ്ററാണ്.

അതിവേഗ പാതകളില്‍ പുതിയ വാഹനങ്ങള്‍ പായുമ്പോള്‍ ഓട്ടോകള്‍ ദീര്‍ഘദൂര സര്‍വിസ് നടത്തുന്നത് വലിയ അപകടങ്ങള്‍ക്ക് കാരണമാകുമെന്നും ഗതാഗത വകുപ്പിലെ ഉദ്യോഗസ്ഥര്‍ തന്നെ ചൂണ്ടിക്കാണിക്കുന്നു. ചര്‍ച്ചയില്‍ പങ്കെടുത്തവരും അപകടസാധ്യത ചൂണ്ടിക്കാട്ടി. പക്ഷെ ഇതെല്ലാം തള്ളിയാണ് തീരുമാനമെടുത്ത്. യാത്രക്കാരന്റെ സുരക്ഷ ഡ്രൈവര്‍ ഉറപ്പുവരുത്തണമെന്ന നിബന്ധനയോടെയാണ് ട്രാന്‍സ്‌പോര്‍ട്ട് അതോറിറ്റിയുടെ തീരുമാനം.

The Kerala Transport Department has relaxed permit restrictions, allowing auto rickshaws to operate statewide. Despite concerns over safety, the decision enables autos to travel beyond district borders for long-distance service.