കൊല്ലം: മലയാള സിനിമയില്‍ പവര്‍ ഗ്രൂപ്പുണ്ടാകാനിടയില്ലെന്ന് നടനും എംഎല്‍എയുമായ മുകേഷ് പറഞ്ഞു. മലയാള     സിനിമയില്‍ പവര്‍ ഗ്രൂപ്പ് ഉണ്ടോയെന്ന് അറിയില്ല, അങ്ങനെയൊരു പവര്‍ഗ്രൂപ്പൊന്നും സിനിമയില്‍ വരാന്‍ സാധ്യതയില്ല, അത് നിലനില്‍ക്കില്ലെന്നും എത്ര ആലോചിച്ചിട്ടും പവര്‍ഗ്രൂപ്പ് എന്താണെന്ന് മനസിലാകുന്നില്ലെന്നും മുകേഷ് വ്യക്തമാക്കി. സിനിമയില്‍ ആരെയെങ്കിലും ഇല്ലാതാക്കാന്‍ പവര്‍ ഗ്രൂപ്പിന്റെ ഇടപെടല്‍ കൊണ്ട് സാധിക്കുമെന്ന് കരുതുന്നില്ലെന്നും, സിനിമയിലേക്ക് അഭിനേതാക്കളെ തെരഞ്ഞെടുക്കുന്നത് കഴിവ് നോക്കിയാണെന്നും മുകേഷ് പറഞ്ഞു.

ബംഗാളി നടിയുടെ ആരോപണത്തില്‍ സംവിധായകന്‍ രഞ്ജിത്ത് രാജിവെക്കണമെന്നോ രാജിവെക്കേണ്ട എന്നോ പറയാന്‍ കഴിയില്ല. രഞ്ജിത്തിനെതിരായ കേസ് അന്വേഷിക്കട്ടെയെന്നും മുകേഷ് പറഞ്ഞു. അമ്മ സംഘടനയിലെ കാര്യങ്ങള്‍ അതിന്റെ ഭാരവാഹികള്‍ പറയുമെന്നും, അഭിപ്രായ വ്യത്യാസങ്ങള്‍ ഉണ്ടെങ്കില്‍ അതെല്ലാം മാറ്റി മുന്നോട്ടു പോകുമെന്നും മുകേഷ് പറഞ്ഞു. 

Malayalam actor Mukesh opens up about the non-existence of power groups in the Malayalam film industry, expressing his frustration at the lack of understanding about the term "power group". Read the full interview to know more.