കുവൈത്ത് സിറ്റി: രാജ്യത്ത് ഒട്ടകത്തെ പരിപാലിക്കുന്നതിൽ വീഴ്‌ച വരുത്തിയതിന് മൂന്ന് പേരെ കുവൈത്ത് പരിസ്ഥിതി പോലിസ് അറസ്റ്റ് ചെയ്‌തു. ജഹ്റ ഗവർണറേറ്റ് സെക്യൂരിറ്റി ഡയറക്ടറേറ്റ്, പബ്ലിക് എൻവയോൺമെൻ്റ് അതോറിറ്റി, പരിസ്ഥിതി പോലിസ് എന്നിവർ സംയുക്തമായി നടത്തിയ പരിശോധയിലാണ് പ്രതികളെ അറസ്റ്റ് ചെയ്തത്. 

പിടികൂടിയ പ്രതികളിൽ നിന്നും 22 ഒട്ടകങ്ങളെ പിടിച്ചെടുത്തു. ഒട്ടകത്തെ മേയ്ക്കുന്നതുമായി ബന്ധപ്പെട്ട നിയമങ്ങളിലും ചട്ടങ്ങളിലും വീഴ്ചവരുതിയതിനാണ് നടപടിയെന്ന് അധികൃതർ അറിയിച്ചു. പ്രതികളെ ആവശ്യമായ നിയമനടപടികൾ സ്വീകരിക്കുന്നതിന് പബ്ലിക് പ്രോസിക്യൂഷന് കേസ് റഫർ ചെയ്തു. പ്രാദേശിക ആവാസവ്യവസ്ഥയെ സംരക്ഷിക്കുന്നതിനും പരിസ്ഥിതി നിയമ ലംഘനങ്ങൾ തടയുന്നതിനുമുള്ള പരിശോധനയിലാണ് നടപടിയെടുത്തത്. അതിനിടെ സംയുക്ത സംഘത്തിന്റെ നേതൃത്വത്തിൽ ജഹ്റ പ്രദേശത്ത് നടത്തിയ ക്യാമ്പയിനിൽ ഭൂമി കയ്യേറ്റങ്ങൾ അടക്കം നിരവധി പാരിസ്ഥിതിക ലംഘനങ്ങൾ കണ്ടെത്തിയിരുന്നു.നിയമ ലംഘനം നടത്തിയ കുറ്റക്കാർക്കെതിരെ ശക്തമായ നടപടികൾ സ്വീകരിക്കുമെന്ന് അധികൃതർ വ്യക്തമാക്കി.

In Kuwait, three individuals were arrested due to the failure of camel husbandry, which led to concerns over animal welfare and legal violations.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക