തൃശൂര്‍: എ.ഡി.ജി.പി എം.ആര്‍. അജിത് കുമാര്‍ ആര്‍.എസ്.എസ് നേതാവിനെ കണ്ടതിനെ ന്യായീകരിച്ച സ്പീക്കര്‍ എ.എന്‍. ഷംസീറിന്റെ പ്രസ്താവനക്ക് മന്ത്രി എം.ബി. രാജേഷിന്റെ മറുപടി. 'ആര്‍.എസ്.എസിനെ നിരോധിച്ച കാലം ഓര്‍മ്മിപ്പിച്ചായിരുന്നു മന്ത്രിയുടെ മറുപടി.

തൃശൂര്‍ ജില്ലയിലെ തദ്ദേശ അദാലത്തിന്റെ സമാപനത്തോടനുബന്ധിച്ച് നടത്തിയ വാര്‍ത്താസമ്മേളനത്തില്‍ ഉയര്‍ന്ന ചോദ്യത്തിനായിരുന്നു മന്ത്രിയുടെ പ്രതികരണം. 'ആര്‍.എസ്.എസിനെക്കുറിച്ച് ഞങ്ങള്‍ക്ക് കൃത്യമായി അറിയാമെന്നും, സര്‍ദ്ദാര്‍ വല്ലഭായ് പട്ടേല്‍ നിരോധിച്ച സംഘടനയാണതെന്നും മന്ത്രി വ്യക്തമാക്കി. 

രാഷ്ട്രീയ കാര്യങ്ങള്‍ ചോദിക്കാമോ എന്ന ചോദ്യത്തിന് കേന്ദ്ര സഹമന്ത്രി സുരേഷ് ഗോപിയെ കളിയാക്കിയായിരുന്നു മന്തിയുടെ മറുപടി. 'അദാലത്തിന് വന്നാല്‍ അദാലത്തിന്റെ കാര്യങ്ങള്‍ മാത്രമേ ചോദിക്കാവൂ എന്ന് പറയില്ല', 'ചോദിച്ചോളൂ, മറുപടി പറയണോ എന്ന് ഞാന്‍ തീരുമാനിക്കും' എന്നായിരുന്നു മുന്ത്രിയുടെ മറുപടി. എന്നാല്‍ രാഷ്ട്രീയ ചോദ്യങ്ങള്‍ക്കൊന്നും മന്ത്രി കൃത്യമായ മറുപടി നല്‍കിയില്ല.

"In a sudden turn of events, the former speaker has been brought back to replace the current speaker. Stay updated on this latest political development and its implications."