ന്യൂഡല്‍ഹി: കാന്‍സര്‍ മരുന്നുകളുടെ നികുതി കുറയ്ക്കും. ജിഎസ്ടി കൗണ്‍സില്‍ യോഗത്തിലാണ് തീരുമാനം. ആരോഗ്യ ഇന്‍ഷുറന്‍സ് പ്രീമിയത്തിന്റെ ജിഎസ്ടി കുറയ്ക്കുന്ന കാര്യം നവംബറില്‍ ചേരുന്ന ജിഎസ്ടി കൗണ്‍സില്‍ യോഗം തീരുമാനിക്കും. ഇക്കാര്യം പരിശോധിക്കാന്‍ മന്ത്രിതല സമിതിയെ നിയോഗിച്ചുവെന്നും കേന്ദ്ര ധനമന്ത്രി നിര്‍മല സീതാരാമന്‍ അറിയിച്ചു. യോഗത്തിനു ശേഷം വാര്‍ത്താ സമ്മേളനത്തിലാണ് ധനമന്ത്രി ഇക്കാര്യങ്ങള്‍ വ്യക്തമാക്കിയത്.

12 ശതമാനമായിരുന്ന കാന്‍സര്‍ മരുന്നുകളുടെ നികുതി 5 ശതമാനമായി കുറച്ചു. ഏതാനും ലഘു ഭക്ഷണങ്ങളുടേയും ജിഎസ്ടിയില്‍ കുറവു വരുത്തിയിട്ടുണ്ട്. ഷെയറിങ് അടിസ്ഥാനത്തില്‍ ഉപയോഗിക്കുന്ന ഹെലികോപ്റ്ററുകളുടെ ജിഎസ്എടി അഞ്ച് ശതമാനമാകും. കേന്ദ്ര സംസ്ഥാന സര്‍വകലാശാലകള്‍ക്കുള്ള ജിഎസ്ടി പൂര്‍ണ്ണമായും ഒഴിവാക്കി.

തിങ്കളാഴ്ച ചേര്‍ന്ന യോഗത്തില്‍ ഹെല്‍ത്ത് ലൈഫ് ഇന്‍ഷുറന്‍സ് പ്രീമിയത്തിന്റെ ജിഎസ്ടി കുറയ്ക്കുന്നതുമായി ബന്ധപ്പെട്ട് തീരുമാനത്തിലെത്തിയതായി സൂചനയുണ്ട്. 18 ശതമാനമാണ് നിലവിലെ ഇന്‍ഷുറന്‍സ് പ്രീമിയത്തിന്റെ ജിഎസ്ടി. ഓണ്‍ലൈന്‍ ഗെയിമിങില്‍ നിന്നുള്ള വരുമാനം 412 ശതമാനം വര്‍ധിച്ച് 6,909 കോടിയായിയെന്നും, നികുതി കുറച്ചതാണ് ആറ് മാസത്തിനുള്ളില്‍ വരുമാനം വര്‍ധിക്കാന്‍ കാരണമെന്നും ധനമന്ത്രി വ്യക്തമാക്കി. വിവിധ സംസ്ഥാനങ്ങളിലെ ധനമന്ത്രിമാര്‍ യോഗത്തില്‍ പങ്കെടുത്തു.

"In a move to make cancer treatment more affordable, the GST rate on cancer medicines has been reduced from 12% to 5%. Learn more about the impact of this tax cut on healthcare costs."