കോട്ടയം: തിരുവനന്തപുരം- നിലമ്പൂർ രാജ്യറാണി എക്സ്പ്രസിൽ ടിക്കറ്റ് പരിശോധകയെന്ന വ്യാജേന യാത്ര ചെയ്ത യുവതിയെ പിടികൂടി. കൊല്ലം കാഞ്ഞവേലി സ്വദേശി റംലത്ത് (42) ആണ് പിടിയിലായത്. ടി.ടി.ഇയുടെ വേഷത്തിലാണ് ഇവർ യാത്ര ചെയ്യുന്നത് കണ്ടെത്തിയത്. തിരുവനന്തപുരത്ത് നിന്ന് നിലമ്പൂരിലേക്ക് പോകുന്ന രാജ്യറാണി എക്സ്പ്രസിൽ ഇന്നലെ പുലർച്ചെയാണ് സംഭവം. 
 
ട്രെയിൻ കായംകുളത്ത് എത്തിയപ്പോഴാണ് ഡ്യൂട്ടിയിൽ ഉണ്ടായിരുന്ന ടി.ടി.ഇ അജയകുമാർ ഇവരെ കാണുന്നത്. ടിക്കറ്റ് പരിശോധകയുടെ വേഷവും റെയിൽവേയുടെ തിരിച്ചറിൽ കാർഡും ധരിച്ചാണ് ഇവർ ഉണ്ടായിരുന്നത്. എന്നാൽ സംശയം തോന്നിയ അജയകുമാർ ഇവരെ ചോദ്യം ചെയ്തത്. ഇതോടെയാണ് തട്ടിപ്പ് പുറത്തായത്. റെയിൽവെ പൊലിസ് പിന്നാലെ യുവതിയെ അറസ്റ്റ് ചെയ്യുകയായിരുന്നു.

ട്രെയിൻ കോട്ടയത്ത് എത്തിയപ്പോൾ എസ്.എച്ച്.ഓ  റെജി പി ജോസഫിന്റെ നേതൃത്വത്തിൽ റംലത്തിനെ കസ്റ്റഡിയിൽ എടുക്കുകയായിരുന്നു. ഇവരെ കോടതി റിമാൻഡ് ചെയ്തു.

A woman named Ramlath (42) from Kanjaveli, Kollam, was arrested for impersonating a ticket examiner on the Thiruvananthapuram-Nilambur Rajyarani Express. The incident occurred early yesterday morning, when she was caught traveling in the guise of a TTE (Traveling Ticket Examiner) on the train from Thiruvananthapuram to Nilambur.