തിരുവനന്തപുരം: സംസ്ഥാനത്ത് ട്രഷറി നിയന്ത്രണം കടുപ്പിച്ചു. സാമ്പത്തിക പ്രതിസന്ധി മൂലമാണ് നടപടി. അഞ്ച് ലക്ഷം രൂപയ്ക്ക് മുകളിലുള്ള ബില്ലുകള്‍ മാറാന്‍ ധനവകുപ്പ് അനുമതി വേണം. നേരത്തെ 25 ലക്ഷമുണ്ടായിരുന്ന പരിധിയാണ് അഞ്ച് ലക്ഷമായി കുറച്ചത്. 

തദ്ദേശ സ്ഥാപനങ്ങള്‍ക്കുള്‍പ്പെടെ നിയന്ത്രണം ബാധകമാണ്. നിയന്ത്രണം സംബന്ധിച്ച കത്ത് ധനവകുപ്പ് അഡീഷണല്‍ ചീഫ് സെക്രട്ടറി ട്രഷറി ഡയറക്ടര്‍ക്ക് കൈമാറി.

നേരത്തെ ഓണച്ചെലവുകള്‍ക്കായി 4200 കോടി രൂപ കടമെടുക്കാന്‍ സംസ്ഥാന സര്‍ക്കാരിന് കേന്ദ്രം അനുമതി നല്‍കിയിരുന്നു. ഈ സാമ്പത്തിക വര്‍ഷം 37512 രൂപയാണ് സംസ്ഥാനത്തിന്റെ കടമെടുപ്പ് പരിധി. ഇതില്‍ ഡിസംബര്‍ വരെയുള്ള 21253 കോടി രൂപ സെപ്റ്റംബര്‍ രണ്ടുവരെ സര്‍ക്കാര്‍ കടമെടുത്തിട്ടുണ്ട്. ബാക്കി തുക അടുത്ത വര്‍ഷം ജനുവരി മുതല്‍ മാര്‍ച്ച് വരെയായിരിക്കും എടുക്കാനാവുക.

financial crisis Treasury control was tightened The permission of the Finance Department should be sought to exchange bills above five lakhs