തിരുവനന്തപുരം: കണ്ണൂര്‍ മുന്‍ എഡിഎം നവീന്‍ ബാബുവിന് ലാന്‍ഡ് റവന്യൂ ജോയിന്റ് കമ്മീഷണറുടെ ക്ലീന്‍ചിറ്റ്. മുന്‍ ജില്ല പഞ്ചായത്ത് പ്രസിഡന്റ് പിപി ദിവ്യയുടെ വാദങ്ങള്‍ തള്ളിയുള്ള റിപ്പോര്‍ട്ട് സര്‍ക്കാരിന് സമര്‍പ്പിച്ചു. നവീന്‍ ബാബു കൈക്കൂലി വാങ്ങിയതിന് തെളിവില്ലെന്ന് കമ്മീഷണര്‍ വ്യക്തമാക്കി. നവീന്‍ ബാബു പെട്രോള്‍ പമ്പിനുള്ള അനുമതി വൈകിപ്പിച്ചിട്ടില്ലെന്നും റവന്യൂ വകുപ്പ് സെക്രട്ടറിക്ക് നല്‍കിയ റിപ്പോര്‍ട്ടില്‍ വ്യക്തമാക്കുന്നു. 

ദിവ്യ ഒഴികെ 17 പേരുടെ മൊഴി അന്വേഷണത്തിന്റെ ഭാഗമായി രേഖപ്പെടുത്തിയിട്ടുണ്ട്. കലക്ടര്‍ അരുണ്‍ കെ വിജയന്റെ മൊഴിയും ഇതില്‍ ഉള്‍പ്പെടും. ഫയല്‍ നീക്കത്തില്‍ വീഴ്ച്ച സംഭവിച്ചിട്ടില്ലെന്നും, പെട്രോള്‍ പമ്പ് അനുവദിച്ചതില്‍ ഒരു തരത്തിലും നവീന്‍ ബാബുവിന് വീഴ്ച്ച സംഭവിച്ചിട്ടില്ലെന്നും റിപ്പോര്‍ട്ടിലുണ്ട്. 

ചടങ്ങിലേക്ക് താന്‍ ക്ഷണിച്ചിട്ടല്ല ദിവ്യ വന്നതെന്ന മൊഴി കമ്മീഷണര്‍ക്ക് മുന്നിലും കലക്ടര്‍ ആവര്‍ത്തിച്ചിട്ടുണ്ട്. റിപ്പോര്‍ട്ട് പരിശോധിച്ച ശേഷം കലക്ടറുടെ കാര്യത്തില്‍ നടപടിയുണ്ടാകും. 

Naveen Babu is not corrupt The investigation report of the Joint Commissioner of Revenue gave a clean chit