തിരുവനന്തപുരം: പച്ചക്കറി വില മുകളിലേക്കുതന്നെ. കാസർകോട്, എറണാകുളം ജില്ലകളിലാണ് താരതമ്യേന അൽപമെങ്കിലും വിലക്കുറവുള്ളത്. ഇഞ്ചിയുടെ വില 240 വരെ എത്തിയിരുന്നെങ്കിലും ഇപ്പോഴത് നൂറിനുമേൽത്തന്നെയാണ്. ചില സ്ഥലങ്ങളിൽ 150 രൂപ വരെ വിലയുണ്ട്. പച്ചമുളകിന് 50-80 വരെയാണ് വില.

ചെറുനാരങ്ങ, വെളുത്തുള്ളി, ബീൻസ് എന്നിവയ്ക്കും ഇപ്പോൾ നൂറിനു മുകളിലാണ് വില. തക്കാളിക്ക് വിവിധ ജില്ലകളിലായി 35 മുതൽ 50 രൂപ വരെയാണ് ഇന്നലത്തെ വില. സവാളയ്ക്കും കിഴങ്ങിനും 46 രൂപ മുതൽ 60 രൂപ വരെയായി വില. വെള്ളരി, കാബേജ്, കക്കിരി, പടവലം, ബീറ്റ്‌റൂട്ട്, മത്തൻ എന്നിവയ്ക്കാണ് താരതമ്യേന വിലക്കുറവ്. ചേനയ്ക്ക് 70-80 രൂപ വിലയുള്ളപ്പോൾ വെണ്ടക്ക 20-70 രൂപവരെ വ്യത്യസ്ത വിലനിലവാരമാണ് കാണിക്കുന്നത്.