ലബനാനില്‍ ഹിസ്ബുല്ല ആക്രമണത്തില്‍ ഒരു ഇസ്‌റാഈല്‍ സൈനികന്‍ കൂടി കൊല്ലപ്പെട്ടു. മറ്റൊരാള്‍ക്ക് ഗുരുതരമായി പരുക്കേറ്റിട്ടുണ്ട്. 

ലബനാനിലും സിറിയയിലും ഇസ്‌റാഈല്‍ ആക്രമണം തുടരുന്നതിനിടെയാണ് സൈനികര്‍ കൊല്ലപ്പെട്ടത്. 
വ്യാഴാഴ്ച ഹിസ്ബുള്ള പ്രവര്‍ത്തകരുമായുണ്ടായ ഏറ്റുമുട്ടലിനിടെ എലിയില്‍ നിന്നുള്ള ലെഫ്റ്റനന്റ് ഐവ്രി ഡിക്ഷ്റ്റെയിന്‍ (21) കൊല്ലപ്പെട്ടതായി സൈന്യം അറിയിച്ചു.

അതേസമം ഇസ്‌റാഈല്‍ സൈനികര്‍ തുടര്‍ച്ചയായി കൊല്ലപ്പെടുന്നതിന്റെ പശ്ചാത്തലത്തില്‍ വെടിനിര്‍ത്തല്‍ നിര്‍ദ്ദേശം യു.എസ് ഒന്നുകൂടി മുന്നോട്ട് വെച്ചതായി റിപ്പോര്‍ട്ടുണ്ട്. ഹിസ്ബുല്ലയോടും തിരിച്ചടികള്‍ അവസാനിപ്പിക്കാന്‍ യു.എസ് ആവശ്യപ്പെട്ടെന്നാണ് റിപ്പോര്‍ട്ടില്‍ പറയുന്നത്.