വയനാട് ഉപതെരഞ്ഞെടുപ്പ് വോട്ടെണ്ണല്‍ മുന്നേറുമ്പോള്‍ പോള്‍ ചെയ്ത വോട്ടുകളും ഭീമന്‍ ഓഹരി പ്രിയങ്കക്ക്. തുടക്കം മുതല്‍ ഒരിക്കല്‍ പോലും പിറകിലാവാതെ മുന്നേറുന്ന പ്രിയങ്കയുടെ ഭൂരിപക്ഷം അരലക്ഷം പിന്നിട്ടിരിക്കുന്നു. തൊട്ടടുത്ത എതിര്‍ സ്ഥാനാര്‍ഥി എല്‍.ഡി.എഫിലെ സത്യന്‍ മൊകേരി നേടുന്നതിനേക്കാള്‍ നാലിരട്ടി വോട്ടാണ് അവര്‍ നേടുന്നത്.

പോള്‍ചെയ്തതില്‍ 70 ശതമാനം വോട്ടും പ്രിയങ്ക നേടുന്ന രീതിയാണ് വോട്ടെണ്ണലില്‍ തെളിയുന്നത്. പ്രിയങ്കയെയും രാഹുലിനെയും കടന്നാക്രമിച്ച് എല്‍.ഡി.എഫ് നടത്തിയ പ്രചാരണങ്ങളൊന്നും വോട്ടര്‍മാര്‍ ഗൗനിച്ചില്ല എന്നതാണ് വോട്ടെണ്ണലില്‍ തെളിയുന്നത്. 

ബി.ജെ.പി സ്ഥാനാര്‍ഥി നവ്യ ഹരിദാസിന് പ്രതീക്ഷിച്ച വോട്ടുകളൊന്നും സമാഹരിക്കാനായിട്ടില്ല. തുടക്കത്തില്‍ പ്രിയങ്ക 68917 വോട്ടുകള്‍ നേടിയപ്പോള്‍ നവ്യക്ക് നേടാന്‍ കഴിഞ്ഞത് 11235 വോട്ടു മാത്രം. സത്യന്‍ മൊകേരിക്ക് ലഭിച്ചത് 20678 വോട്ടാണ്.