മക്ക: ലോകത്തിന്റെ വിവിധ ഭാഗങ്ങളിലായി ഈ വര്‍ഷം രാജാവിന്റെ അതിഥികളായി 1400 പേര്‍ ഹജ്ജിനെത്തും. ഏഷ്യ, ആഫ്രിക്ക, യൂറോപ്പ്, എന്നിവിടങ്ങളില്‍ നിന്നായി 60 രാജ്യങ്ങളില്‍ നിന്നുള്ളവരാണ് രാജാവിന്റെ പ്രത്യേക അതിഥികളായി എത്തുക.

രാജാവിന്റെ അതിഥികള്‍ക്കായുള്ള ക്ഷണം ഞായറാഴ്ച ഇസ്‌ലാമിക് അഫയേഴ്‌സ് മന്ത്രി ശൈഖ് സ്വാലിഹ് ബിന്‍ അബ്ദുല്‍ അസീസ് ബിന്‍ മുഹമ്മദ് പ്രഖ്യാപിച്ചു . സഊദി ഭരണാധികാരികളുടെ ക്ഷണ പ്രകാരം ഇത് വരെയായി 24000 പേരാണ് ഇത് വരെ ഹജ്ജിനെത്തിയത്.