റിയാദ്: റിയാദ് മെട്രോയുടെ ഓറഞ്ച് ലൈനിൽ (മദീന റോഡ്) ഇന്ന് സർവിസ് ആരംഭിച്ചു. ഇതോടെ മെട്രോയിലെ ആറു ലൈനുകളും പ്രവർത്തനമാരംഭിച്ചു.

ഡിസംബർ ഒന്നിന് ഒന്നാം ട്രാക്ക് ആയ ഉലയ്യ-ബത്ഹ (ബ്ലൂ ലൈൻ), നാലാം ട്രാക്ക് കിങ് ഖാലിദ് എയർപോർട്ട് (യെല്ലോ ലൈൻ), ആറാം ട്രാക്ക് അബ്ദുറഹ്‌മാൻ ബിൻ ഔഫ് ജംങ്ഷൻ-ഷെയ്ഖ് ഹസൻ ബിൻ ഹുസൈൻ (വയലറ്റ് ലൈൻ) എന്നീ മൂന്നു റൂട്ടുകളിൽ സർവിസ് ആരംഭിച്ചിരുന്നു. ഡിസംബർ 15 മുതൽ രണ്ടാം ട്രാക്ക് ആയ കിങ് അബ്‌ദുല്ല റോഡ് (റെഡ് ലൈൻ), അഞ്ചാം ട്രാക്ക് കിങ് അബ്‌ദുൽ അസീസ് റോഡ് (ഗ്രീൻ ലൈൻ) എന്നീ റൂട്ടുകളിലും സർവിസ് ആരംഭിച്ചിരുന്നു.

മൂന്നാം ട്രാക്ക് ആയ മദീന റോഡി (ഓറഞ്ച് ലൈൻ)ലാണ് ഇന്ന് മുതൽ സർവിസ് ആരംഭിക്കുന്നത്. റിയാദ് മെട്രോ പൂർത്തിയാക്കിയിരിക്കുന്നത് പ്രതിദിനം 11.6 ലക്ഷം യാത്രക്കാരെ ഉൾക്കൊള്ളാൻ ശേഷിയിലാണ്. റിയാദ് മെട്രോയുടെ നാൽപത് ശതമാനം ട്രാക്കുകളും ഭൂമിക്കടിയിലൂടെയാണ് കടന്നുപോകുന്നത്. ഡിസംബർ ഒന്നിനായിരുന്നു മെട്രോ സർവിസ് ആരംഭിച്ചത്.

The Orange Line of the Riyadh Metro in Saudi Arabia has commenced operations today, marking the completion of all six lines of the metro system.