തിരുവനന്തപുരം: കലോത്സവ മത്സര വേദിയിൽ വിധി നിർണയത്തിനെതിരെ പ്രതിഷേധം. ഹൈസ്കൂൾ വിഭാഗം ആൺകുട്ടികളുടെ മാപ്പിളപ്പാട്ട് വിധി നിർണയം കൃത്യമല്ലെന്നാണ് രക്ഷിതാക്കളുടെയും അധ്യാപകരുടെയും ആരോപണം. ഇതുവരെ സംസ്ഥാന തലത്തിൽ  വിധികർത്താക്കളായി ഇരുന്ന ആരും തന്നെ പാനലിൽ ഉണ്ടായിരുന്നില്ലെന്നും, മാപ്പിളപ്പാട്ടിനെ കുറിച്ച് അറിയാത്തവരാണ് പാനലിലുണ്ടായിരുന്നതെന്നും, കൂടുതൽ വിദ്യാർത്ഥികൾക്ക് ബി ഗ്രേഡ് നൽകിയത് അപ്പീലുകളുടെ എണ്ണം വർധിപ്പിക്കാനാണെന്നും പ്രതിഷേധക്കാർ ആരോപിക്കുന്നു. അപ്പീലിന് 5000 രൂപ നൽകണം, ഈ തുക ലഭിക്കാൻ വേണ്ടിയാണ് കൂടുതൽ കുട്ടികൾക്ക് ബി ഗ്രേഡ് നൽകിയതെന്നും പ്രതിഷേധക്കാർ ആരോപിച്ചു. പ്രതിഷേധത്തിന് വിലക്ക് നിലനിൽക്കുമ്പോഴാണ് വിധികർത്താക്കൾക്കെതിരെ അധ്യാപകരും രക്ഷിതാക്കളും പരസ്യമായി രംഗത്തെത്തിയത്.   

A protest has erupted at the Kalotsavam venue against the judging criteria for Mappila Pattu, a traditional art form in Kerala.