കാഠ്മണ്ഡു: നേപ്പാളില്‍ വന്‍ ഭൂചലനം. ഭൂകമ്പമാപിനിയില്‍ 7.1 തീവ്രത രേഖപ്പെടുത്തിയ ഭൂചലനം സംഭവിച്ചത് ടിബറ്റന്‍ അതിര്‍ത്തിക്കരികെയാണ്. ബിഹാറിലും അസമിലും പശ്ചിമബംഗാളിലും ഡല്‍ഹിയിലും ചെറുതായും ഭൂചലനമനുഭവപ്പെട്ടു. ബംഗ്ലാദേശ്, ഭൂട്ടാന്‍, ചൈന എന്നിവിടങ്ങളിലും തുടര്‍ചലനങ്ങളുണ്ടായി. രാവിലെ ആറരയോടെയാണ് ഭൂചലനം അനുഭവപ്പെട്ടതെന്നാണ് റിപോര്‍ട്ടുകള്‍ പറയുന്നത്.

നാശനഷ്ടങ്ങളുണ്ടായോ എന്നത് സംബന്ധിച്ച് വ്യക്തതയില്ല. ശക്തമായ ചലനത്തെ തുടര്‍ന്ന് ബിഹാറിലും അസമിലുമുള്ളവര്‍ പരിഭ്രാന്തരായി. ഭൂമിശാസ്ത്രപരമായി ഭൂകമ്പസാധ്യതാ പ്രദേശമാണ് നേപ്പാള്‍. 2015 ല്‍ ഉണ്ടായ ഭൂചലനം വലിയ നാശനഷ്ടം വരുത്തിയിരുന്നു. ജനങ്ങള്‍ ജാഗ്രത പാലിക്കണമെന്നും തുടര്‍ചലനങ്ങള്‍ ഉണ്ടാവാന്‍ സാധ്യതയുണ്ടെന്നും അധികൃതര്‍ മുന്നറിയിപ്പ് നല്‍കുകയും സുരക്ഷിതസ്ഥാനങ്ങളിലേക്ക് മാറാന്‍ നിര്‍ദേശിക്കുകയും ചെയ്തിട്ടുണ്ട്.

A massive earthquake with a magnitude of 7.1 on the Richter scale occurred near the Tibetan border in Nepal.