ജിദ്ദ: ഉംറവീസക്കാർ വാക്‌സിനേഷൻ എടുക്കണമെന്ന് സഊദി സിവിൽ എവിയേഷൻ അറിയിച്ചു. ഇതുമായി ബന്ധപ്പെട്ട് സ്വകാര്യ വിമാന കമ്പനികൾ ഉൾപ്പെടെയുള്ള സഊദി അറേബ്യയിലെ വിമാനത്താവളങ്ങളിൽ സർവിസ് നടത്തുന്ന എല്ലാ കമ്പനികൾക്കും ജനറൽ അതോറിറ്റി ഓഫ് സിവിൽ എവിയേഷൻ (ഗാക) സർക്കുലർ അയച്ചു.

വീസയുള്ളവർ, അല്ലെങ്കിൽ വീസ തരം പരിഗണിക്കാതെ ഉംറ ചെയ്യാൻ ഉദ്ദേശിക്കുന്നവർ, ആവശ്യമായ വാക്‌സിനേഷൻ സ്വീകരിച്ചിട്ടുണ്ടെന്ന് വിമാന കമ്പനികൾ ഉറപ്പ് വരുത്തണമെന്ന് സർക്കുലറിൽ പറയുന്നു. നൈസീരിയ മെനിഞ്ചൈറ്റിസ് അടക്കം ആവശ്യമായ മുഴുവൻ വാക്‌സിനുകളും യാത്രക്കാർ സ്വീകരിച്ചിട്ടുണ്ടെന്ന് ഉറപ്പുവരുത്താനും, ആരോഗ്യ മന്ത്രാലയ വെബ്സൈറ്റിൽ പരസ്യപ്പെടുത്തിയിട്ടുള്ള ആരോഗ്യ വ്യവസ്ഥകൾ പാലിക്കാനും ഉംറ വീസയിൽ സഊദിയിലേക്ക് വരുന്ന യാത്രക്കാരെയും ഉംറ നിർവഹിക്കാൻ ആഗ്രഹിച്ച് മറ്റു വീസകളിൽ സഊദിയിലേക്ക് വരുന്നവരെയും വിമാന കമ്പനികൾ നിർബന്ധമായും അറിയിക്കണമെന്ന് സർക്കുലറിൽ പറയുന്നു.

The Saudi Civil Aviation Authority has issued a circular making COVID-19 vaccination mandatory for all Umrah pilgrims, effective immediately.