കൊച്ചി: എറണാകുളം തൃപ്പൂണിത്തുറ ഇരുമ്പനത്ത് ഫ്ലാറ്റില്‍ നിന്ന് വീണ് വിദ്യാര്‍ഥി മരിച്ചു. ഇരുമ്പനം സ്വദേശി മിഹില്‍ (15) ആണ് മരിച്ചത്. തൃപ്പൂണിത്തുറ പൊലീസ് കേസെടുത്തു.

ഇന്ന് വൈകുന്നേരം നാലുമണിയോടെയായിരുന്നു അപകടം നടന്നത്. 42 നിലയുള്ള ആഡംബര ഫ്ലാറ്റിന്റെ 24-ാം നിലയില്‍ നിന്നായിരുന്നു മിഹില്‍ താഴേക്ക് വീണത്.തിരുവാണിയൂര്‍ ഗ്ലോബല്‍ പബ്ലിക് സ്‌കൂളിലെ ഒമ്പതാം ക്ലാസ് വിദ്യാര്‍ഥിയാണ്. കുട്ടിയുടെ മൃതദേഹം ഫയര്‍ഫോഴ്‌സ് എത്തിയാണ് പുറത്തെടുത്തത്.

കുട്ടിയുടെ മൃതദേഹം ആദ്യം കാണുന്നത് ഫ്ലാറ്റിലെ ജീവനക്കാരനാണ്. കുട്ടി എങ്ങനെയാണ് താഴേക്ക് വീണതെന്ന കാര്യത്തില്‍ കൂടുതല്‍ വിവരങ്ങള്‍ പുറത്തുവന്നിട്ടില്ല. പൊലീസ് സ്ഥലത്തെത്തി പരിശോധന നടത്തി.