ന്യൂഡൽഹി: റഷ്യൻ സൈന്യത്തിലുണ്ടായിരുന്ന 12 ഇന്ത്യക്കാർ കൊല്ലപ്പെട്ടതായി കേന്ദ്ര സർക്കാർ റിപ്പോർട്ട് ചെയ്തു. 16 പേരെക്കുറിച്ച് ഒരു വിവരവും ലഭ്യമല്ലെന്നും റിപ്പോർട്ടിലുണ്ട്. ഇവരെ കാണാനില്ലെന്നു റഷ്യ അറിയിച്ചതായും വിദേശകാര്യ മന്ത്രാലയം അറിയിച്ചു.126 പേരാണ് റഷ്യൻ സൈന്യത്തിലുണ്ടായിരുന്ന ഇന്ത്യക്കാർ. 96 പേർ റഷ്യയിൽ നിന്നു ഇന്ത്യയിൽ മടങ്ങിയെത്തി.

റഷ്യൻ കൂലിപ്പട്ടാളത്തിന്റെ ഭാ​ഗമാകുകയും പിന്നീട് കൊല്ലപ്പെടുകയും ചെയ്ത തൃശൂർ സ്വദേശി ബിനിൽ ബാബുവിന്റെ മൃതദേഹം തിരിച്ചെത്തിക്കാനുള്ള ശ്രമങ്ങൾ തുടരുകയാണ്. പരിക്കേറ്റ മറ്റൊരു മലയാളി ജയിൻ മോസ്ക്കോയിൽ ചികിത്സയിൽ കഴിയുകയാണ്.