ജറൂസലേം : ഇസ്‌റാഈല്‍ സൈനിക മേധാവി മേജര്‍ ജനറല്‍ ഹെര്‍സി ഹലേവി രാജിവച്ചു. 2023 ഒക്ടോബര്‍ ഏഴിലെ ഹമാസിന്റെ മിന്നലാക്രമണം മുന്‍കൂട്ടി കണ്ടെത്താനോ തടയാനോ സാധിക്കാത്തതിന്റെ ഉത്തരവാദിത്വം ഏറ്റെടുത്താണ് അദ്ദേഹത്തിന്റെ രാജി. ഹലേവിയുടെ രാജിക്കത്ത് സൈന്യം പുറത്തുവിട്ടു. സൈന്യത്തിന്റെ പരാജയത്തിന്റെ ഉത്തരവാദിത്വം ഏറ്റെടുക്കുന്നുവെന്ന് അദ്ദേഹം രാജിക്കത്തില്‍ പറഞ്ഞു. താന്‍ പടിയിറങ്ങുമ്പോഴും ഇസ്‌റാഈലിന്റെ സൈനിക ലക്ഷ്യം പൂര്‍ത്തീകരിക്കാന്‍ കഴിഞ്ഞിട്ടില്ലെന്ന് ഹലേവി പറയുന്നു.

ഗസ്സയില്‍ ഹമാസിനെതിരേ വിജയം അവകാശപ്പെടാന്‍ കഴിയില്ല. ഹമാസിനെതിരേ സൈന്യം ഇനിയും ആക്രമണം നടത്തും. ബന്ദികളെ തിരികെ എത്തിക്കുന്നത് ഉറപ്പാക്കും. ആക്രമണത്തെ തുടര്‍ന്ന് വീടൊഴിഞ്ഞു പോയ ഇസ്‌റാഈലുകാര്‍ക്ക് സ്വന്തം വീട്ടിലേക്ക് തിരികെ വരുന്നത് ഉറപ്പുവരുത്തും.

മിന്നലാക്രമണത്തില്‍ വീഴ്ച സംഭവിച്ച സതേണ്‍ മിലിറ്ററി കമാന്റ് മേധാവി മേജര്‍ ജനറല്‍ യാരോണ്‍ ഫിന്‍കെല്‍മാനും രാജിവച്ചു. മാര്‍ച്ച് 6 വരെ ഹമാസ് ആക്രമണത്തിന്റെ അന്വേഷണം പൂര്‍ത്തിയാകുന്നതുവരെ പദവിയില്‍ തുടരാന്‍ അനുവദിക്കണമെന്നും ഹലേവി ആവശ്യപ്പെട്ടിട്ടുണ്ട്.

Israel's military chief, Major General Herzi Halevi, has resigned, taking responsibility for the failure to prevent the Hamas attack on October 7, 2023. In his resignation letter, Halevi acknowledged the military's shortcomings and stated that Israel's military goals have not been achieved yet, even as he steps down.