കോഴിക്കോട്: വളയ്ത്ത് സ്റ്റീല്‍ബോബുകളും വടിവാളും ഉള്‍പ്പെടെയുള്ള ബോംബ് ശേഖരം കണ്ടെത്തി. 
വളയം പൊലിസ് സ്റ്റേഷന്‍ പരിധിയിലെ ചെക്യാട് കായലോട്ട് താഴെ പാറച്ചാലില്‍ മുക്കിലാണ് വന്‍ ആയുധ ശേഖരം കണ്ടെത്തിയത്. രഹസ്യ വിവരത്തെ  തുടര്‍ന്ന് വളയം പൊലീസും ബോംബ് സ്‌ക്വാഡും നടത്തിയ പരിശോധനയിലാണ് റോഡില്‍ കലുങ്കിനടിയില്‍ സൂക്ഷിച്ച നിലയില്‍ 14 സ്റ്റീല്‍ ബോംബുകള്‍, രണ്ട് പൈപ്പ് ബോംബുകള്‍, രണ്ട് വടിവാളുകള്‍ കണ്ടെത്തിയത്. 

ബോംബും ആയുധങ്ങളും പൊലിസ് കസ്റ്റഡിയില്‍ എടുത്തു. മേഖലയില്‍ പൊലിസ് പരിശോധന തുടരുകയാണ്.