കെഎസ്ഇബി ഓഫീസിലേക്ക് കത്തിയുമായി അതിക്രമിച്ചു കടന്നു കയറി വധ ഭീഷണി മുഴക്കിയ സസ്പെൻഷനിലുള്ള ഓവർസിയർ പോലീസ് പിടിയിലായി.മൂവാറ്റുപുഴ കെഎസ്ഇബി ഓഫീസിലാണ് മുൻ ഓവർസിയറായിരുന്ന പല്ലാരിമം​ഗലം ചിറപ്പാട്ടു വീട്ടിൽ സുബൈർ  അതിക്രമിച്ചു കയറി വധ ഭീഷണി മുഴക്കിയത്.പരാതിയെ തുടർന്ന് മൂവാറ്റുപുഴ പൊലീസാണ് ഇയാളെ അറസ്റ്റ് ചെയ്യുകയായിരുന്നു.

മൂവാറ്റുപുഴ കെഎസ്ഇബി ഓഫീസിലെ എക്സിക്യൂട്ടീവ് എൻജിനീയറായ ജീവനക്കാരിയുടെ നേർക്കാണ് ഇയാൾ വധ ഭീഷണി മുഴക്കിയത്. കത്തിയുമായി ഓഫീസിലേക്ക് അതിക്രമിച്ചു കയറി ഔദ്യോ​ഗിക കൃത്യ നിർവഹണം തടസപ്പെടുത്തുകയും ഭീകരാന്തരീക്ഷം സൃഷ്ടിക്കുകയായിരുന്നു പ്രതി.

കെഎസ്ഇബി ഓഫീസിലേ മുൻ ജീവനക്കാരനായ സുബൈർ ജീവനക്കാരുടെ ഫോണിലേക്ക് അശ്ലീല സന്ദേശമയച്ചതിന്റെ പേരിൽ ഇയാൾ സസ്പെൻഷനിലായതാണ്. പ്രതിക്കെതിരെ നിലവിൽ നാലുകേസുകളുണ്ട്. പ്രതിയെ കോടതിയിൽ ​ഹാജരാക്കി റിമാൻഡ് ചെയ്തു.