ഗദ്ദാഫി: ഐസിസി ചാമ്പ്യൻസ് ട്രോഫിയിൽ ഓസ്‌ട്രേലിയയും ഇംഗ്ലണ്ടും തമ്മിലുള്ള മത്സരം ഗദ്ദാഫി സ്റ്റേഡിയത്തിൽ നടക്കുകയാണ്. മത്സരത്തിൽ ഒരു പുതിയ നാഴികക്കല്ലാണ് ഓസ്‌ട്രേലിയൻ സ്പിന്നർ ആദം സാമ്പ സ്വന്തമാക്കിയത്. ഇന്റർനാഷണൽ ക്രിക്കറ്റിൽ 300 വിക്കറ്റുകൾ എന്ന നേട്ടമാണ് സാമ്പ സ്വന്തമാക്കിയത്. മത്സരത്തിൽ രണ്ട്‌ വിക്കറ്റുകളാണ്‌ താരം നേടിയത്. ഇതോടെയാണ് താരം 300 വിക്കറ്റുകൾ പൂർത്തിയാക്കിയത്. ഈ നേട്ടം സ്വന്തമാക്കുന്ന 12 ഓസ്‌ട്രേലിയൻ താരമാണ് സാമ്പ. 

ഓസ്‌ട്രേലിയയ്‌ക്കായി ഏറ്റവും കൂടുതൽ ഇന്റർനാഷണൽ വിക്കറ്റുകൾ നേടിയ താരങ്ങൾ

ഷെയ്ൻ വോൺ-999 

ഗ്ലെൻ മഗ്രാത്ത്-948 

ബ്രെറ്റ് ലീ-718 

മിച്ചൽ സ്റ്റാർക്ക്-705 

മിച്ചൽ ജോൺസൺ-590

നഥാൻ ലിയോൺ-583 

പാറ്റ് കമ്മിൻസ്-503 

ക്രെയ്ഗ് മക്ഡെർമോട്ട്-494 

ജോഷ് ഹേസിൽവുഡ്-484

ഡെന്നിസ് ലില്ലി-458 

ജേസൺ ഗില്ലസ്പി-402 

ആദം സാമ്പ-300*

അതേസമയം ആദ്യം ബാറ്റ് ചെയ്ത ഓസ്‌ട്രേലിയ എട്ട് വിക്കറ്റ് നഷ്ടത്തിൽ 351 റൺസാണ് നേടിയത്. മത്സരത്തിൽ സാമ്പക്ക് പുറമെ ബെൻ ദ്വാർഷുയിസ് മൂന്ന് വിക്കറ്റുകളും മാർനസ് ലാബുഷാനെ രണ്ട്‌ വിക്കറ്റും ഗ്ലെൻ മാക്സ്വെൽ ഒരു വിക്കറ്റും നേടി. 

മത്സരത്തിൽ ഇംഗ്ലണ്ടിനായി ബെൻ ഡക്കറ്റ് സെഞ്ച്വറി നേടി തിളങ്ങി. 143 പന്തിൽ 165 റൺസാണ് ഡക്കറ്റ് നേടിയത്. 17 ഫോറുകളും മൂന്ന് സിക്സുകളും ആണ് താരത്തിന്റെ ബാറ്റിൽ നിന്നും പിറന്നത്. ജോ റൂട്ട് അർദ്ധ സെഞ്ച്വറിയും നേടി മികച്ച പ്രകടനം നടത്തി. 78 പന്തിൽ 68 റൺസാണ് റൂട്ട് നേടിയത്. നാല് ഫോറുകളാണ് താരം നേടിയത്. ക്യാപ്റ്റൻ ജോസ് ബട്ലർ 21 പന്തിൽ 23 റൺസും ജോഫ്രെ ആർച്ചർ 10 പന്തിൽ 21 റൺസും നേടി.