ദുബൈ: നാല് പേര്‍ കൊല്ലപ്പെടുകയും നൂറുകണക്കിന് പേര്‍ക്ക് പരിക്കേല്‍ക്കുകയും ചെയ്ത ബന്ദര്‍ അബ്ബാസ് തുറമുഖത്തെ സ്‌ഫോടനത്തില്‍ ഇറാന് ഐക്യദാര്‍ഢ്യം പ്രഖ്യാപിച്ച് യുഎഇ.

തെക്കന്‍ ഇറാനിലെ തുറമുഖത്തുണ്ടായ സ്‌ഫോടനത്തില്‍ യുഎഇ വിദേശകാര്യ മന്ത്രാലയം അനുശോചനം രേഖപ്പെടുത്തി. ഈ ദാരുണ സംഭവത്തില്‍ ഇറാനും ഇരകളുടെ കുടുംബങ്ങള്‍ക്കും അനുശോചനം അറിയിക്കുന്നതിനൊപ്പം, പരുക്കേറ്റ എല്ലാവരും വേഗത്തില്‍ സുഖം പ്രാപിക്കട്ടെയെന്നും യുഎഇ അറിയിച്ചു.

പരുക്കേറ്റവരുടെ എണ്ണം 516 ആയി ഉയര്‍ന്നതായും നൂറുകണക്കിന് ആളുകളെ ഷഹീദ് രജായി തുറമുഖം സ്ഥിതി ചെയ്യുന്ന തെക്കന്‍ പ്രവിശ്യയായ ഹോര്‍മോസ്ഗാനിലെ അടുത്തുള്ള മെഡിക്കല്‍ സെന്ററുകളിലേക്ക് മാറ്റിയതായും ഇറാനിലെ സ്റ്റേറ്റ് മീഡിയ റിപ്പോര്‍ട്ട് ചെയ്തു.

The UAE has expressed deep solidarity with Iran after the devastating Rajai port explosion, offering condolences to the victims and support for ongoing recovery efforts amid the tragedy.