തിരുവനന്തപുരം: എഡിജിപി മനോജ് എബ്രഹാമിന് സ്ഥാനക്കയറ്റം. ക്രമ സമാധാന ചുമതലയുള്ള മനോജ് എബ്രഹാം അഗ്നിരക്ഷാസേന മേധാവിയായാണ് സ്ഥാനക്കയറ്റം ലഭിച്ചത്. അഗ്നിരക്ഷാസേന മേധാവിയായ കെ പത്മകുമാർ വിരമിക്കുന്ന ഒഴിവിലേക്കാണ് മനോജ് ഏബ്രഹാമിന്റെ ഈ നിയമനം. 1994ലെ ബാച്ചിലെ ഐപിഎസ് ഉദ്യോഗസ്ഥൻ ആയിരുന്നു മനോജ്.

പൊലിസ് ആസ്ഥാനത്തെ എഡിജിപി, ഇന്റലിജൻസ് മേധാവി, വിജിലൻസ് ഡയറക്ടർ എന്നീ ചുമതലകളും അദ്ദേഹം വഹിച്ചിട്ടുണ്ട്. കാസർഗോഡ്, അടൂർ എന്നീ സ്ഥലങ്ങളിൽ എഎസ്പിയായിട്ടാണ് മനോജ് തന്റെ ഔദ്യോഗിക ജീവിതം ആരംഭിച്ചത്. പിനീസ് കണ്ണൂർ, കൊല്ലം, പത്തനംതിട്ട തുടങ്ങിയ ജില്ലകളിലെ പൊലിസ് മേധാവിയായും പ്രവർത്തിച്ചിട്ടുണ്ട്. തുടർന്ന് ഏഴ് വർഷം തിരുവനന്തപുരം, കൊച്ചി എന്നിവിടങ്ങളിൽ സിറ്റി പൊലിസ് കമ്മീഷണർ ആയും പ്രവർത്തിച്ചിട്ടുണ്ട്. 

ADGP Manoj Abraham promoted now Fire Service Chief