തിരുവനന്തപുരം:പെൺകുട്ടികൾ താമസിക്കുന്ന അനാഥാലയത്തിൽ കല്ലെറിഞ്ഞ അക്രമികളെ ചോദ്യംചെയ്തതിന് യുവാവിനെ കുത്തിപരിക്കേൽപ്പിച്ചു. ശനിയാഴ്ച രാത്രി പത്തോടെ കോവളത്തെ പെൺകുട്ടികൾ താമസിക്കുന്ന അനാഥാലയത്തിന് നേരെ പ്രതികൾ കല്ലെറിഞ്ഞത് ചോദ്യം ചെയ്തതാണ് കുത്താൻ കാരണമെന്ന് പോലീസ് പറഞ്ഞു.തിരുവനന്തപുരം കോവളം കെ.എസ് റോഡ് രത്ന വിലാസത്തിൽ  അഭിലാഷിനാണ് (21) കുത്തേറ്റത്. 

അക്രമി സംഘത്തിലുണ്ടായിരുന്ന അഞ്ച് പേരിൽ ഒരാളായ കോവളം മുട്ടയ്ക്കാട് അരിവാൾ കോളനി സ്വദേശി കാട്ടിലെ കണ്ണൻ എന്ന വിമൽ മിത്രയെ(25) ആണ് ഇന്ന് പോലീസ് പിടികൂടി. ഈ പ്രതിക്ക് കൂടെയുണ്ടായിരുന്ന അമൽ, അബി, അക്ഷയ്, വിഷ്ണു എന്നിവർ ഒളിവിലാണെന്നും അന്വേഷണം പുരോഗമിച്ചു വരുകയാണെന്നും കോവളം പോലീസ് അറിയിച്ചു. പ്രതികൾക്കെതിരെ വധശ്രമത്തിന് കുറ്റം ചുമത്തി കേസെടുത്തിരിക്കുന്നത്. പ്രതികളും പരാതിക്കാരനുമായി നേരത്തെ വ്യക്തി വൈരാഗ്യമുള്ളതായുള്ള വിവരങ്ങളും ലഭിച്ചിട്ടുണ്ടെന്നും അന്വേഷണം നടത്തുന്ന കോവളം പോലീസ് അറിയിച്ചു.