ബെർലിൻ: ജർമനിയിലെ മാൻഹൈം നഗരത്തിൽ ആൾക്കൂട്ടത്തിനിടയിലേക്ക് കാർ ഇടിച്ചുകയറ്റി ആക്രമണം. ആക്രമണണത്തിൽ രണ്ടുപേർ മരിക്കുകയും നിരവധി പേർക്ക് ഗുരുതരമായി പരുക്കേൽക്കുകയും ചെയ്തതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. 

പടിഞ്ഞാറൻ ജർമനിയുടെ മധ്യഭാഗത്ത് പാരഡേപ്ലാറ്റ്സ് സ്ക്വയറിൽ നിന്ന് മാൻഹേമിലെ വാട്ടർ ടവറിലേക്കുള്ള പാതയിലാണ് കറുത്ത എസ്.യു.വി ആൾക്കൂട്ടത്തിനിടയിലേക്ക് ഇടിച്ചുകയറ്റിയത്. സംഭവത്തിൽ രണ്ടുപേർ മരിക്കുകയും നിരവധി പേർക്ക് പരുക്കേൽക്കുകയും ചെയ്തു. പ്രതിയെന്ന് സംശയിക്കുന്ന ഒരാളെ അറസ്റ്റ് ചെയ്തതായി പൊലിസ് വ്യക്തമാക്കി. സംഭവത്തിൽ കൂടുതൽ പേർ ഉൾപ്പെട്ടിട്ടുണ്ടോയെന്ന് പരിശോധിക്കുന്നതായും പൊലിസ് അറിയിച്ചു.

അടുത്തിടെയായി ജർമനിയിൽ ഇത്തരം ആക്രമണങ്ങൾ വർധിച്ചുവരുന്നതായി റിപ്പോർട്ടുകളുണ്ട്. ഏതാനും ആഴ്ചകൾക്ക് മുമ്പ് മ്യൂണിക്കിൽ ആൾക്കൂട്ടത്തിനിടയിലേക്ക് കാർ ഇടിച്ചുകയറിയുണ്ടായ ആക്രമണത്തിൽ 37 കാരിയും അവരുടെ രണ്ടുവയസുകാരി മകളും മരിച്ചിരുന്നു. ഈ സംഭവവുമായി ബന്ധപ്പെട്ട് ഫർഹാദ് നൂറി എന്നയാളെ പൊലിസ് അറസ്റ്റ് ചെയ്തിരുന്നു.

A devastating car attack occurred in Mannheim, Germany, resulting in the deaths of two people and injuring several others, with some in critical condition, according to international reports.