കുവൈത്ത് സിറ്റി: സാമ്പത്തിക ബാധ്യത വരുത്തിവെച്ചവര്‍ക്കെതിരെ വമ്പന്‍ നടപടികള്‍ ആരംഭിച്ച് കുവൈത്ത്. ഏതാനും ആഴ്ചകള്‍ക്കു മുമ്പാണ് കുവൈത്ത് കടം തിരിച്ചടയ്ക്കാന്‍ കഴിയാത്ത വ്യക്തികളെ അറസ്റ്റ് ചെയ്യുന്ന നടപടി പുനഃസ്ഥാപിച്ചത്. ഇതിന് ശേഷം ഏതാനും ദിവസങ്ങള്‍ക്കും ശേഷം ഇപ്പോള്‍ സാമ്പത്തിക ബാധ്യതയുള്ളവരുടെ സ്വത്തുക്കള്‍ പിടിച്ചെടുക്കുകയും ആയിരക്കണക്കിന് പേര്‍ക്ക് യാത്രാ വിലക്കുകള്‍ ഏര്‍പ്പെടുത്തുകയും ചെയ്തിരിക്കുകയാണ് കുവൈത്ത്.

2024 ന്റെ ആദ്യ പകുതിയില്‍ 2,140,417 കടം നല്‍കിയ വ്യക്തികള്‍ മൂന്നാം കക്ഷികള്‍ കൈവശം വച്ചിരിക്കുന്ന കടക്കാരുടെ ഉടമസ്ഥതയിലുള്ള സ്വത്തുക്കള്‍ പിടിച്ചെടുക്കാന്‍ അപേക്ഷ സമര്‍പ്പിച്ചതായി നീതിന്യായ മന്ത്രാലയത്തിലെ ജനറല്‍ അഡ്മിനിസ്‌ട്രേഷന്‍ ഓഫ് സെന്റ്റന്‍സ് എന്‍ഫോഴ്‌സ്‌മെന്റ് റിപ്പോര്‍ട്ട് ചെയ്തു. 

ഇക്കാലയളവില്‍ കടം തിരിച്ചടയ്ക്കാത്തതുമായി ബന്ധപ്പെട്ട് 42,885 വാഹനങ്ങള്‍ ഉദ്യോഗസ്ഥര്‍ പിടിച്ചെടുത്തു. കടം വീട്ടുന്നതില്‍ വീഴ്ച വരുത്തിയവര്‍ രാജ്യം വിടുന്നത് തടയാന്‍നായി 43,290 പേര്‍ക്ക് യാത്രാ വിലക്ക് ഏര്‍പ്പെടുത്തുകയും ചെയ്തിട്ടുണ്ട്. പക്ഷേ, 6,183,290 കുവൈത്തി ദീനാര്‍ അടച്ച 25,149 പേരുടെ യാത്രാ വിലക്കുകള്‍ പിന്‍വലിച്ചിരുന്നു.

അതേസമയം യാത്രാ നിരോധനം ഏര്‍പ്പെടുത്തിയ കേസുകളിലെ 43.2 ശതമാനവും കുടിശ്ശിക കടങ്ങള്‍ മൂലമുള്ള യാത്രാ നിരോധനങ്ങളാണ്. 2023 ന്റെ ആദ്യ പകുതിയുമായി താരതമ്യപ്പെടുത്തുമ്പോള്‍ 2024ല്‍ കടവുമായി ബന്ധപ്പെട്ട യാത്രാ നിരോധനങ്ങള്‍ 31.7 ശതമാനം വര്‍ദ്ധിച്ചിട്ടുണ്ട്.

Kuwait imposed a travel ban on 43,290 people who tried to drown without repaying their debts