റിയാദ്: ജീവിതത്തില്‍ ഒരിക്കലെങ്കിലും ഹജ്ജോ ഉംറയോ നിര്‍വഹിക്കണമെന്ന് ആഗ്രഹിക്കുന്നവരാകും ഇസ്‌ലാം വിശ്വാസികള്‍ എല്ലാവരും തന്നെ. അത്തരത്തില്‍ മക്കയില്‍ എത്തണമെന്നും ഉംറ നിര്‍വഹിക്കണമെന്നും അതിയായി ആഗ്രഹിച്ച രണ്ടുപേരുടെ കഥയാണിപ്പോള്‍ സമൂഹമാധ്യമങ്ങളില്‍ ചര്‍ച്ചയായി കൊണ്ടിരിക്കുന്നത്. ശ്രീലങ്കയില്‍ നിന്നുള്ള കാഴ്ചശേഷി ഇല്ലാത്ത രണ്ടു പെണ്‍കുട്ടികളുടെ സ്വപ്‌നം സാക്ഷാത്കരിക്കാന്‍ സഊദി സര്‍ക്കാര്‍ അവസരമൊരുക്കിയതോടെ ഇവര്‍ ഉംറ നിര്‍വഹിക്കുകയായിരുന്നു. 

കാഴ്ചശേഷി ഇല്ലാതിരുന്നിട്ടും വിശുദ്ധ ഖുര്‍ആന്‍ പൂര്‍ണ്ണമായി മനഃപാഠമാക്കിയ പെണ്‍കുട്ടി എല്ലാവരെയും അത്ഭുതപ്പെടുത്തി. പ്രശസ്തനായ ഖുര്‍ആന്‍ പാരായണം ചെയ്യുന്ന ഒരാളുടെ ഓഡിയോ റെക്കോര്‍ഡിംഗുകളെ മാത്രം ആശ്രയിച്ചാണ് പെണ്‍കുട്ടി 13 വയസ്സുള്ളപ്പോള്‍ ഖുര്‍ആന്‍ മനഃപാഠമാക്കിയത്. 2025 ജനുവരിയില്‍ സഊദി ഇസ്‌ലാമിക കാര്യ മന്ത്രാലയം ശ്രീലങ്കയില്‍ സംഘടിപ്പിച്ച ദേശീയ ഖുര്‍ആന്‍ മനഃപാഠ മത്സരത്തില്‍ പെണ്‍കുട്ടി പങ്കെടുക്കുകയും ഒന്നാം സ്ഥാനവും ഒരു ദശലക്ഷം രൂപയും നേടിയിരുന്നു. തന്റെ നേട്ടത്തിലൂടെ വിശുദ്ധ ഖുര്‍ആനിനോടുള്ള നിശ്ചയദാര്‍ഢ്യത്തിന്റെയും സമര്‍പ്പണത്തിന്റെയും പ്രചോദനാത്മക പ്രതീകമായി മാറാന്‍ പെണ്‍കുട്ടിക്കായി.

فيديو ..|

عقب توجيه معالي وزير الشؤون الإسلامية، الشيخ الدكتور عبداللطيف بن عبدالعزيز آل الشيخ، باستضافة الفتاتين الكفيفتين السريلانكيتين المشاركتين في مسابقة القرآن الكريم لأداء العمرة برفقة ذويهما، استجابة لرغبتهما، وصلت الفتاتان إلى الأراضي المقدسة، حيث أدّتا مناسك العمرة… pic.twitter.com/3UQLQwQ7VF

— وزارة الشؤون الإسلامية 🇸🇦 (@Saudi_Moia) March 6, 2025

മത്സരത്തിന്റെ സമാപന ചടങ്ങിനിടെ പെണ്‍കുട്ടികള്‍ ഉംറ ചെയ്യാന്‍ ആഗ്രഹം പ്രകടിപ്പിക്കുകയായിരുന്നു. തുടര്‍ന്ന് സഊദി അറേബ്യയിലെ ഇസ്‌ലാമിക കാര്യ മന്ത്രി ഷെയ്ഖ് ഡോ. അബ്ദുല്ലത്തീഫ് ബിന്‍ അബ്ദുല്‍ അസീസ് അല്‍ അല്‍ഷൈഖിന്റെ നിര്‍ദ്ദേശപ്രകാരം പെണ്‍കുട്ടികളെയും അവരുടെ കുടുംബങ്ങളെയും ഉംറ നിര്‍വഹിക്കാന്‍ ക്ഷണിക്കുകയായിരുന്നു. പുണ്യനഗരങ്ങളില്‍ എത്തിയ ഇവര്‍ സന്തോഷം നിറഞ്ഞ മനസ്സോടെ തീര്‍ത്ഥാടന ചടങ്ങുകള്‍ പൂര്‍ത്തിയാക്കുകയും ചെയ്തു.

Saudi Arabia provided opportunity for two blind Sri Lankan girls to fulfill their dream of performing Umrah