ദുബൈ: റമദാന്‍ മാസത്തോടനുബന്ധിച്ച് ദുബൈയിലെ അല്‍ ഷിന്ദഗ മജ്‌ലിസില്‍ റമദാന്‍ ആശംസകള്‍ നേര്‍ന്നവരെ സ്വീകരിച്ച് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം.

ദുബൈയുടെ ഒന്നാം ഡെപ്യൂട്ടി ഭരണാധികാരിയും യുഎഇയുടെ ഉപപ്രധാനമന്ത്രിയും ധനകാര്യ മന്ത്രിയുമായ ഷെയ്ഖ് മക്തൂം ബിന്‍ മുഹമ്മദ് ബിന്‍ റാഷിദ് അല്‍ മക്തൂം, ദുബൈയുടെ രണ്ടാം ഡെപ്യൂട്ടി ഭരണാധികാരിയായ ഷെയ്ഖ് അഹമ്മദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂം എന്നിവരുടെ സാന്നിധ്യത്തില്‍ പ്രാദേശിക പ്രമുഖര്‍, മുതിര്‍ന്ന ഉദ്യോഗസ്ഥര്‍, നിക്ഷേപകര്‍, പ്രമുഖ ബിസിനസ്സുകാര്‍ എന്നിവരുള്‍പ്പെടെയുള്ളവരുടെ ആശംസകള്‍ അദ്ദേഹം സ്വീകരിച്ചു.

യുഎഇയുടെയും അറബ്, ഇസ്‌ലാമിക രാഷ്ട്രങ്ങളുടെയും തുടര്‍ച്ചയായ അഭിവൃദ്ധിക്കായി ഷെയ്ഖ് മുഹമ്മദ് ആശംസകള്‍ നേര്‍ന്നു.

Mohammed bin Rashid receives Ramadan well-wishers at Al Shindagha Majlis pic.twitter.com/nxc3mFEKqg

— Dubai Media Office (@DXBMediaOffice) March 13, 2025

'സമൂഹ വര്‍ഷ'ത്തോടനുബന്ധിച്ച് ഈ വര്‍ഷത്തെ റമദാന്‍ യുഎഇ ജനങ്ങള്‍ക്കിടയില്‍ ഐക്യം ശക്തിപ്പെടുത്തുന്നതിനുള്ള അവസരമാണെന്നും ഷെയ്ഖ് മുഹമ്മദ് എടുത്തുപറഞ്ഞു. രാജ്യത്തിന്റെ ഉദാത്തമായ മൂല്യങ്ങള്‍, ആചാരങ്ങള്‍, പൈതൃകം എന്നിവ പുതിയ തലമുറകള്‍ക്ക് കൈമാറുന്നതിനും യുഎഇയുടെ വളര്‍ച്ചയെ ശക്തിപ്പെടുത്തുന്നതിനും ഐക്യത്തിനും സഹവര്‍ത്തിത്വത്തിനും സമാധാനത്തിനും ഒരു ആഗോള മാതൃകയാക്കുന്നതിനുമുള്ള സമയമായും ഇത് പ്രവര്‍ത്തിക്കുന്നു.

Mohammed bin Rashid, while receiving a number of dignitaries, businessmen, and officials at Al Shindagha Majlis in Dubai on the occasion of the holy month: Ramadan brings us together, our shared interest in our country draws us closer, and our love for this nation and our… pic.twitter.com/nhc5usR2Rc

— Dubai Media Office (@DXBMediaOffice) March 13, 2025

ദുബൈ സിവില്‍ ഏവിയേഷന്‍ അതോറിറ്റി പ്രസിഡന്റും ദുബൈ എയര്‍പോര്‍ട്ട്‌സ് ചെയര്‍മാനും എമിറേറ്റ്‌സ് എയര്‍ലൈന്‍ ആന്‍ഡ് ഗ്രൂപ്പ് ചെയര്‍മാനും ചീഫ് എക്‌സിക്യൂട്ടീവുമായ ഷെയ്ഖ് അഹമ്മദ് ബിന്‍ സയീദ് അല്‍ മക്തൂം, ദുബൈ സ്‌പോര്‍ട്‌സ് കൗണ്‍സില്‍ ചെയര്‍മാന്‍ മന്‍സൂര്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം, ഷെയ്ഖ് മുഹമ്മദ് ബിന്‍ റാഷിദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂം എന്നിവരും മറ്റു വിശിഷ്ട വ്യക്തികളും മുതിര്‍ന്ന ഉദ്യോഗസ്ഥരും സ്വീകരണ ചടങ്ങില്‍ പങ്കെടുത്തു.