തിരുവനന്തപുരം: സംസ്ഥാനത്ത്  ഉയര്‍ന്ന താപനില ഇന്നും ഉയരുമെന്ന് മുന്നറിയിപ്പ്. 10 ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. തിരുവനന്തപുരം, ആലപ്പുഴ, ഇടുക്കി, വയനാട് ഒഴികെയുള്ള ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. പാലക്കാട്, തൃശൂര്‍, കോഴിക്കോട്, മലപ്പുറം ജില്ലകളില്‍ 37 ഡിഗ്രി സെല്‍ഷ്യസും കോട്ടയം, പത്തനംതിട്ട, കൊല്ലം, എറണാകുളം , കാസര്‍കോട് ജില്ലകളില്‍ 36 ഡിഗ്രി സെല്‍ഷ്യസും തിരുവനന്തപുരം ആലപ്പുഴ ജില്ലകളില്‍ 35 ഡിഗ്രി സെല്‍ഷ്യസും വയനാട്ടിലും ഇടുക്കിയിലും 34 ഡിഗ്രി സെല്‍ഷ്യസുമാണ് കൂടുതല്‍ ഉയരാന്‍ സാധ്യത എന്നാണ് കാലാവസ്ഥ വകുപ്പ് അറിയിക്കുന്നത്.

 അതി തീവ്ര ചൂട് തുടരുന്നതിനിടെ സൂര്യരശ്മികളില്‍ നിന്നുളള അള്‍ട്രാവയലറ്റ് കിരണങ്ങളുടെ തോതും ഉയര്‍ന്നുവരുകയാണ്. ഈ സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്നും രാവിലെ 11 മുതല്‍ വൈകുന്നേരം മൂന്നു വരെയുള്ള വെയില്‍ നേരിട്ടു കൊള്ളരുതെന്നും കാലാവസ്ഥ മുന്നറിയിപ്പില്‍ പറയുന്നു.