കുവൈത്ത് സിറ്റി: സോഷ്യല്‍ മീഡിയ അക്കൗണ്ട് വഴി മറ്റുള്ളവരെ അധാര്‍മിക പ്രവര്‍ത്തനങ്ങള്‍ക്ക് പ്രേരിപ്പിച്ചതിന് കുവൈത്ത് പൗരന് മൂന്ന് വര്‍ഷം കഠിനതടവും 3,000 ദിനാര്‍ പിഴയും വിധിക്കപ്പെട്ട കേസില്‍ അപ്പീല്‍ കോടതി ശിക്ഷ ശരിവച്ചു. ഒരു വനിതാ ഗായികയുടെ പേരില്‍ നടത്തിയിരുന്ന അക്കൗണ്ട് വഴി താന്‍ ഒരു സ്ത്രീയാണെന്ന് ഇയാള്‍ ആളുകളെ തെറ്റിദ്ധരിപ്പിക്കുകയായിരുന്നു.

വഞ്ചനാപരമായ ഓണ്‍ലൈന്‍ പ്രവര്‍ത്തനങ്ങളുടെ പേരില്‍ എംഒഐയുടെ സദാചാര വകുപ്പ് യുവാവിനെ അറസ്റ്റ് ചെയ്തതോടെയാണ് കേസ് വെളിച്ചത്തുവന്നത്. ക്രിമിനല്‍ കോടതിയില്‍ നേരത്തെ നടന്ന വിചാരണക്കിടെ പ്രതി കുറ്റം സമ്മതിക്കുകയും തന്റെ പ്രവൃത്തികളില്‍ ഖേദം പ്രകടിപ്പിക്കുകയും ചെയ്തിരുന്നു. തുടര്‍ന്ന് കോടതി ഇയാള്‍ക്ക് മൂന്ന് വര്‍ഷം കഠിനതടവും പിഴയും വിധിക്കുകയായിരുന്നു. പ്രതി പിന്നീട് വിധിക്കെതിരെ അപ്പീല്‍ നല്‍കി. എന്നാല്‍ അപ്പീല്‍ കോടതി യഥാര്‍ത്ഥ വിധി ശരി വയ്ക്കുകയായിരുന്നു.

Man Jailed for 3 Years for Impersonating Female Singer on Social Media