കോഴിക്കോട്: കുറ്റ്യാടി പുഴയില്‍ വല വീശിയപ്പോള്‍ കടലില്‍ മാത്രം കണ്ടുവരുന്ന ഏകദേശം അഞ്ച് കിലോ ഭാരമുള്ള സ്രാവ് കുടുങ്ങി. സംഭവം പുഴയുടെ വേളം - ചങ്ങരോത്ത് പഞ്ചായത്തുകള്‍ക്കിടയിലുള്ള തെക്കാള്‍ കടവിലാണ്.

പുലര്‍ച്ചെ മൂന്നു മണിയോടെയാണ് ഊരത്ത് സ്വദേശി കുഞ്ഞബ്ദുല്ലയും പാലേരി സ്വദേശി ഷൈജുവും വല സ്ഥാപിച്ചത്. പിന്നീട് പരിശോധിക്കുമ്പോഴാണ് സ്രാവ് കുടുങ്ങിയതായി കണ്ടത്. കടലില്‍ കണ്ടുവരുന്ന സ്രാവ് പുഴയിലെത്തിയത് ഓരുവെള്ളം (കടല്‍വെള്ളം) കയറുന്നതിന്റെ ലക്ഷണമാണെന്നാണ് നാട്ടുകാരുടെ ആശങ്ക.

കുടിവെള്ള പദ്ധതികള്‍ പ്രവര്‍ത്തിക്കുന്ന ഈ പ്രദേശത്ത് പുഴയിലെ വെള്ളം കുറയുന്നതും പകരം ഉപ്പുവെള്ളം കയറുന്നതും പ്രശ്‌നമാകുമെന്നഭിപ്രായവുമുണ്ട്. വേളത്തും കുറ്റ്യാടിയിലും കുടിവെള്ളം ലഭ്യമാക്കാന്‍ വലിയ പദ്ധതികള്‍ നടപ്പിലാക്കുന്നുണ്ട്. കൂടാതെ കൂരങ്കോട്ട് കടവില്‍ ജല്‍ജീവന്‍ മിഷന്റെ കീഴില്‍ പുതിയ പദ്ധതിയും ആരംഭിക്കാനിരിക്കുകയാണ്. ഈ സാഹചര്യത്തിലാണ് ഇത്രയും അപൂര്‍വ്വ സംഭവത്തിന് നാട്ടുകാര്‍ സാക്ഷിയാകുന്നത്.

A shark weighing around 5 kg was found trapped in a fishing net in the Kuttiadi River, causing surprise and concern among locals.Fishermen who set the net around 3 AM discovered the shark later. Experts believe its presence in the river may indicate seawater intrusion, raising concerns about freshwater availability as major drinking water projects rely on the river.