റിയാദ്: വിശുദ്ധ റമാദാന്‍ പരിസമാപ്തി കുറിച്ച് ചെറിയ പെരുന്നാള്‍ വരവേറ്റതോടെ സഊദിയിലെ വിപണി മുഴുവന്‍ ജനങ്ങളെകൊണ്ട് നിറഞ്ഞിരിക്കുകയാണ്. പെരുന്നാള്‍ ആവേശം വലിയ തോതില്‍ തന്നെ മാര്‍ക്കറ്റുകളിലും ഷോപ്പിംഗ് മാളുകളിലും കാണാം. 

സഊദി അറേബ്യയുടെ തെക്കുപടിഞ്ഞാറന്‍ ഭാഗത്തുള്ള ജസാന്‍ മേഖലയില്‍ സ്വര്‍ണ്ണാഭരണങ്ങള്‍ക്ക് വലിയ പ്രചാരമുണ്ട്. പെരുന്നാള്‍ ആഘോഷത്തിനായി ആളുകള്‍ സ്വര്‍ണം വാങ്ങുന്നത് ഇവിടെ സാധാരണമാമ്. സ്വകാര്യ ആവശ്യങ്ങള്‍ക്കോ ഉമ്മമാര്‍ക്കോ ഭാര്യമാര്‍ക്കും സമ്മാനമായി നല്‍കാനോ വേണ്ടി മാലകള്‍, വളകള്‍, മോതിരങ്ങള്‍ തുടങ്ങിയ ആഭരണങ്ങള്‍ ആളുകള്‍ ഇതിനകം തന്നെ വാങ്ങിയിട്ടുണ്ട്. ജസാനിലെ ഒരു സാമൂഹിക പാരമ്പര്യമാണിതെന്ന് സഊദി പ്രസ് ഏജന്‍സി റിപ്പോര്‍ട്ട് ചെയ്തു.

പെരുന്നാള്‍ എത്തിയതോടെ മേഖലയിലെ സ്വര്‍ണ വിപണികളില്‍ പ്രവര്‍ത്തനങ്ങളില്‍ കുതിച്ചുചാട്ടം ഉണ്ടായിട്ടുണ്ട്. ഇത് മറ്റു മാസങ്ങളെ അപേക്ഷിച്ച് വിലയില്‍ വര്‍ധനവിന് കാരണമാകും. റമദാനിലെ അവസാന 10 ദിവസങ്ങളില്‍, പ്രത്യേകിച്ച് ഈദുല്‍ ഫിത്വറിന് മുമ്പുള്ള മൂന്ന് ദിവസങ്ങളില്‍, സ്വര്‍ണ വിപണികളില്‍ ആവശ്യക്കാര്‍ കുത്തനെ വര്‍ധിച്ചതായി ശ്രദ്ധയില്‍പ്പെട്ടിട്ടുണ്ട്. ഈ ദിവസങ്ങള്‍ സ്വര്‍ണ വില്‍പ്പനയുടെ പീക്ക് സീസണായാണ് കണക്കാക്കപ്പെടുന്നത്.

ഉയര്‍ന്ന ഗുണനിലവാരവും ന്യായമായ വിലയും കാരണം 21 കാരറ്റ് സ്വര്‍ണം വാങ്ങുന്നതിനാണ് ഉപഭോക്താക്കള്‍ പ്രധാനമായും താല്‍പ്പര്യപ്പെടുന്നത്. ഇത് പിന്നീട് വില്‍ക്കാനോ കൈമാറ്റം ചെയ്യാനോ എളുപ്പമാണ്. വ്യക്തിഗത ഉപയോഗത്തിനും പ്രിയപ്പെട്ടവര്‍ക്കുള്ള സമ്മാനമായും ഏറ്റവും ആകര്‍ഷകവും വിലപ്പെട്ടതുമായ  ഡിസൈനുകള്‍ കണ്ടെത്താന്‍ നിരവധി മാര്‍ക്കറ്റ് പ്രേമികള്‍ ഒഴുകിയെത്തുന്നതിനാല്‍ സ്വര്‍ണത്തിനുള്ള ഡിമാന്‍ഡ് ശക്തമായി തുടരുകയാണ്.

Ahead of Eid, a surge in shopping has driven gold prices higher in Saudi Arabia. Increased demand for jewelry and investment purchases has contributed to the price spike as celebrations approach.