ബെംഗളുരു: കര്‍ണാടകയിലെ ചിക്കമംഗളുരുവില്‍ കുടുംബത്തിലെ മൂന്നു പേരെ വെടിവെച്ചു കൊന്ന ശേഷം ആത്മഹത്യ ചെയ്ത് യുവാവ്. മകളേയും ഭാര്യാമാതാവിനെയും ഭാര്യാസഹോദരിയെയുമാണ് ഇയാള്‍ കൊലപ്പെടുത്തിയത്. രത്‌നാകര്‍ ഗൗഡയാണ് കുടുംബത്തിലെ മൂന്നു പേരെ വെടിവെച്ചു കൊന്ന ശേഷം സ്വയം നിറയൊഴിച്ചു മരിച്ചത്. രത്‌നാകറിന്റെ ആക്രമണത്തില്‍ ഭാര്യാസഹോദരീ ഭര്‍ത്താവിനു പരുക്കേറ്റിട്ടുണ്ട്.

ചൊവ്വാഴ്ച രാത്രിയാണ് ഇയാള്‍ ആക്രമണം നടത്തിയത്. എട്ടുവര്‍ഷം മുമ്പാണ് രത്‌നാകറും ഇയാളുടെ ഭാര്യയായ സ്വാതിയും വിവാഹിതരായത്. കഴിഞ്ഞ രണ്ടുവര്‍ഷമായി ഇരുവരും പിരിഞ്ഞുതാമസിക്കുകയാണ്. സ്വാതിയുമായുള്ള പ്രശ്‌നങ്ങളെ സംബന്ധിച്ച് യുവതിയുടെ വീട്ടില്‍ വെച്ച് ഭാര്യാമാതാവുമായി തര്‍ക്കമുണ്ടായതിനെ തുടര്‍ന്നാണ് ഇയാല്‍ ഭാര്യാമാതാവിനെയും ഭാര്യാസഹോദരിയേയും ആറു വയസ്സുള്ള മകളേയും കൊലപ്പെടുത്തിയത്.

ജീവനൊടുക്കുന്നതിനു മുമ്പ് ഇയാള്‍ വാട്‌സാപ്പില്‍ ഒരു വീഡിയോ പങ്കുവച്ചിരുന്നു. മകളെപ്പോലും ഉപേക്ഷിച്ച്, തന്നെ ചതിച്ച് ഭാര്യ രണ്ടു വര്‍ഷം മുമ്പ് പോയെന്നും ഇപ്പോള്‍ തന്ഞരെ മകളുടെ സഹപാഠികള്‍ അമ്മയെവിടെയെന്ന് നിരന്തരം ചോദിക്കുന്നത് അവളെ വേദനിപ്പിക്കുന്നെന്നും അതുകൊണ്ട് തന്നെ ഞാന്‍ ഒരു തീരുമാനം എടുത്തെന്നുമാണ് രത്‌നാകര്‍ വീഡിയോയില്‍ പറയുന്നത്. സംഭവത്തില്‍ പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.

A young man killed three members of his family and then took his own life